ന്യൂ ഡെല്ഹി: കേന്ദ്ര സര്ക്കാരിന്റെ കാര്ഷിക ബില്ലില് ഒപ്പ് വെക്കരുതെന്ന് ആവശ്യപ്പെട്ട് പ്രതിപക്ഷ പാര്ട്ടികള് രാഷ്ട്രപതിക്ക് കത്തയച്ചു. കോണ്ഗ്രസ്, എന്സിപി, ഡിഎംകെ, തൃണമൂല് കോണ്ഗ്രസ്, ആര്ജെഡി തുടങ്ങി ഇടതുപക്ഷം ഉള്പ്പടെയുള്ള പ്രതിപക്ഷ പാര്ട്ടികളാണ് രാഷ്ട്രപതി രാംനാഥ് കോവിന്ദിന് കത്തയച്ചത്. ഇക്കാര്യത്തില് അടിയന്തിര ഇടപെടല് ആവശ്യമാണെന്നും പ്രതിപക്ഷം രാഷ്ട്രപതിയോട് അഭ്യര്ത്ഥിച്ചു.
രൂക്ഷമായ കോലാഹലങ്ങള്ക്ക് ഇടയിലാണ് രാജ്യസഭയില് ബില്ലുകള് പാസായത്. രാജ്യസഭയിലെ പ്രതിഷേധത്തെ തുടര്ന്ന് എട്ട് എംപിമാരെ സസ്പെൻഡ് ചെയ്തിരുന്നു. കാര്ഷിക മേഖലയിലെ നാഴികക്കല്ലുകള് ആയാണ് ഈ ബില്ലുകളെ സര്ക്കാര് വിശേഷിപ്പിച്ചത്. രാഷ്ട്രപതിയുടെ അംഗീകാരത്തിന് ശേഷം മാത്രമാണ് കാര്ഷിക ബില്ലുകള് നിയമമായി പ്രാബല്യത്തില് വരുന്നത്.
Read also: പ്രതിഷേധ സമരവും സഞ്ചാര സ്വാതന്ത്ര്യവും ഒത്തുപോകണമെന്ന് സുപ്രീം കോടതി