മസ്കറ്റ് : ഒമാനില് നിയമലംഘനത്തിന് പിടിയിലായ 18 പ്രവാസികളെ നാടുകടത്തുമെന്ന് ഡയറക്ടറേറ്റ് ജനറല് ഓഫ് അഗ്രികള്ച്ചര്, ഫിഷറീസ് ആന്റ് വാട്ടര് റിസോഴ്സസ് അറിയിച്ചു. അല് വുസ്ത ഗവര്ണറേറ്റില് വെച്ച് അനധികൃത മൽസ്യ ബന്ധനത്തിന് പിടിയിലായവർക്ക് എതിരെയാണ് നടപടി.
ദുഖമിലെ പോലീസ് സേനയുടെ സഹായത്തോടെ നടത്തിയ പരിശോധനയിലാണ് മഹൗത്ത് വിലായത്തിലെ സറബ് പ്രദേശത്ത് കടലില് നിയമവിരുദ്ധമായി മൽസ്യബന്ധനം നടത്തുകയായിരുന്ന 18 പ്രവാസികളും പിടിയിലായത്.
കസ്റ്റഡിയിലെടുത്ത പ്രവാസികളെ നാടുകടത്തല് നടപടികള് പൂര്ത്തീകരിക്കുന്നതിനായി സംയുക്ത പരിശോധക സംഘത്തിന് കൈമാറിയിരിക്കുകയാണ് എന്നും ഡയറക്ടറേറ്റ് ജനറല് പുറത്തിറക്കിയ പ്രസ്താവനയില് പറയുന്നു.
Most Read: പഞ്ചാബ് തിരഞ്ഞെടുപ്പ്; ബിജെപി പ്രചാരണത്തിന് കോൺഗ്രസ് എംപി