മലപ്പുറം: തിരൂരങ്ങാടി മണ്ഡലത്തില് മതിയായ ഓക്സിജന് ബെഡുകളോ, വെന്റിലേറ്റര് സൗകര്യമോ ഇല്ലെന്ന ഹരജിയില് ഹൈക്കോടതിയുടെ ഇടപെടൽ. പ്രശ്നം ഏറെ ഗൗരവമുള്ളതാണെന്ന് നിരീക്ഷിച്ച കോടതി അടിയന്തര നടപടികള് സ്വീകരിക്കാന് സര്ക്കാരിന് നിര്ദ്ദേശം നല്കി.
തിരൂരങ്ങാടി താലൂക്ക് ആശുപത്രിയില് വെന്റിലേറ്റര് ഇല്ലെന്ന് ഹരജിക്കാരന് കോടതിയെ ബോധിപ്പിച്ചു. തുടർന്ന് പ്രശ്നം പരിഹരിക്കാന് അടിയന്തര നടപടികള് സ്വീകരിക്കണമെന്ന് സര്ക്കാരിന് കോടതി നിര്ദ്ദേശം നല്കി. മലപ്പുറം ജില്ലയില് എത്രപേര് കോവിഡ് വാക്സിനായി പോര്ട്ടലില് രജിസ്റ്റര് ചെയ്തിട്ടുണ്ടെന്ന കണക്ക് ഉൾപ്പടെ കോടതിക്ക് കൈമാറാനാണ് നിര്ദ്ദേശം.
അതേസമയം സൗകര്യങ്ങള് ഒരുക്കാന് ഉടന് തന്നെ ശ്രമിക്കുമെന്ന് എജി വ്യക്തമാക്കി. ചൊവ്വാഴ്ച ഹരജികള് കോടതി വീണ്ടും പരിഗണിക്കും.
Read Also: ഡെൽറ്റ തീവ്രവ്യാപന ശേഷിയുള്ള വകഭേദം; രണ്ടാം തരംഗം രാജ്യത്ത് രൂക്ഷമാകാൻ ഇടയാക്കി