എറണാകുളം : ഒഡീഷയിലെ റൂർക്കേലയിൽ നിന്നും 128.66 മെട്രിക് ടൺ ഓക്‌സിജനുമായി ഓക്‌സിജൻ എക്‌സ്‍പ്രസ് കൊച്ചിയിൽ എത്തി. ഇന്ന് പുലർച്ചയോടെയാണ് ഓക്‌സിജൻ എക്‌സ്‍പ്രസ് സംസ്ഥാനത്ത് എത്തിയത്. 7 കണ്ടെയ്‌നറുകളിലായി കൊച്ചി കണ്ടെയ്‌നർ ടെർമിനലിൽ എത്തിച്ച ഓക്‌സിജൻ ഇവിടെ നിന്നും സംസ്‌ഥാനത്തിന്റെ വിവിധ ഭാഗങ്ങളിലേക്ക് വിതരണം ചെയ്യും.
കോവിഡ് രോഗബാധിതരുടെ എണ്ണത്തിൽ വർധന ഉണ്ടായതിന് പിന്നാലെ കേരളത്തിൽ ഓക്‌സിജൻ ആവശ്യകത ഉയർന്നിരുന്നു. തുടർന്ന് കഴിഞ്ഞ മെയ് 16ആം തീയതിയും 118 മെട്രിക് ടൺ ഓക്‌സിജൻ ഒഡീഷയിൽ നിന്നും കേരളത്തിൽ എത്തിച്ചിരുന്നു. നിലവിൽ രാജ്യത്തിന്റെ വിവിധ ഭാഗങ്ങളിൽ കോവിഡ് രോഗികളുടെ എണ്ണം ഉയർന്നതിനാൽ ഓക്‌സിജൻ ക്ഷാമം രൂക്ഷമാണ്. ഈ സാഹചര്യത്തിൽ വിവിധ സംസ്‌ഥാനങ്ങളിലേക്ക് ഒഡീഷ ആവശ്യാനുസരണം ഓക്‌സിജൻ എത്തിച്ചുനൽകുന്നുണ്ട്.
Read also : അൽ- ജലാ ടവറിലെ ഇസ്രയേൽ ആക്രമണം; ലോക കോടതിയിൽ പരാതി നൽകാനൊരുങ്ങി ഉടമ
