കാസർഗോഡ്: കാഞ്ഞങ്ങാട് ജില്ലാ ആശുപത്രിയിൽ 80 ദിവസത്തിനകം ഓക്സിജൻ പ്ളാന്റ് പ്രവർത്തനം തുടങ്ങും. ദേശീയപാത അതോറിറ്റിയുടെ സാമ്പത്തിക സഹായത്തിൽ കൊച്ചി ആസ്ഥാനമായ കെയർ സിസ്റ്റംസിനാണ് നിർമാണ ചുമതല. 1.87 കോടി രൂപ ചിലവിലാണ് നിർമാണം. പദ്ധതിയുടെ 20 ശതമാനം തുക മുൻകൂറായി നൽകി. പകുതി തുക പ്ളാന്റ് സ്ഥാപിക്കുമ്പോഴും, ബാക്കിയുള്ള 30 ശതമാനം പണി പൂർത്തിയാകുന്ന സമയത്തും നൽകും.
ദിവസം 200 സിലിണ്ടർ ഓക്സിജൻ വരെ ഇവിടെ ഉൽപാദിപ്പിക്കാനാകും. പ്ളാന്റിന്റെ തുടർ പ്രവർത്തനങ്ങൾ ജില്ലാ പഞ്ചായത്തിന്റെ ആഭിമുഖ്യത്തിൽ മറ്റ് തദ്ദേശഭരണ സ്ഥാപനങ്ങളുടെ സഹായത്തോടെ നടക്കും. ഭൂമിക്ക് പുറമെ 50 ലക്ഷം രൂപയും ജില്ലാ പഞ്ചായത്ത് നൽകിയിട്ടുണ്ട്. ജില്ലയിലെ മുഴുവൻ തദ്ദേശ സ്ഥാപനങ്ങളും പദ്ധതിക്കായി തുക വകയിരുത്തുകയും ചെയ്തിട്ടുണ്ട്.
Read Also: കരുവന്നൂര് ബാങ്ക് തട്ടിപ്പ്; രണ്ട് പേര് കൂടി പിടിയില്