ന്യൂഡെൽഹി : കോവിഡ് രണ്ടാം തരംഗത്തിൽ ജനങ്ങൾ പ്രാണവായു കിട്ടാതെ പിടയുമ്പോൾ ആശ്വാസ നടപടിയുമായി ദേശീയ പാതാ അതോറിറ്റി. ദ്രവരൂപത്തിലുള്ള ഓക്‌സിജനുമായി പോകുന്ന ടാങ്കറുകൾ ഇനി ടോൾ നൽകേണ്ടതില്ലെന്നാണ് എൻഎച്ച്എഐയുടെ തീരുമാനം.
ഓക്‌സിജൻ ക്ഷാമം രൂക്ഷമാകുന്നതിനിടെ തങ്ങളുടെ കരാറുകാരുടെ പിന്തുണയോടെ ഓക്‌സജിൻ പ്ളാന്റ് സ്‌ഥാപിക്കാനുള്ള തീരുമാനമെടുത്തതിന് പിന്നാലെയാണ് പുതിയ നടപടിയും വരുന്നത്. ഈ തീരുമാനം അന്തർ സംസ്‌ഥാന യാത്രകൾ അടക്കം നടത്തുന്ന ഓക്‌സിജൻ ടാങ്കറുകൾക്ക് ഗുണകരമാക്കും.
മെഡിക്കൽ ഓക്‌സിജനുമായി പോകുന്ന ടാങ്കറുകൾക്ക് ടോൾ പ്ളാസകളിൽ പ്രത്യേകം പാതയുണ്ടാക്കാനും നിർദ്ദേശമുണ്ട്. ആംബുലൻസുകളെ പോലെ തന്നെ എമർജൻസി വാഹനമായി മെഡിക്കൽ ഓക്‌സിജൻ കൊണ്ടുപോകുന്ന വാഹനങ്ങളെ കാണണമെന്നാണ് നിർദ്ദേശം.
Read also : കോവിഡ് മാനദണ്ഡങ്ങൾ ലംഘിച്ച് വിവാഹം; വധുവിന്റെ പിതാവിനെതിരെ കേസ്
