ന്യൂഡെൽഹി: കോവിഡ് പ്രതിസന്ധിയിൽ ബംഗ്‌ളാദേശിന് കൈത്താങ്ങുമായി ഇന്ത്യ. ട്രെയിൻ മാർഗം ബംഗ്‌ളാദേശിലേക്ക് 200 മെട്രിക് ദ്രവീകൃത മെഡിക്കൽ ഓക്‌സിജനുമായി ഇന്ത്യയുടെ ഓക്‌സിജൻ എക്‌സ്‌പ്രസ് പുറപ്പെട്ടു. ഇതാദ്യമായാണ് ഓക്‌സിജനുമായി ട്രെയിൻ വിദേശ രാജ്യത്തേക്ക് സർവീസ് നടത്തുന്നത്.
സൗത്ത് ഈസ്‌റ്റേൺ റയിൽവേയുടെ ചക്രധർപൂർ ഡിവിഷനിലെ ടാറ്റയിൽ നിന്ന് 200 മെട്രിക് ടൺ ലിക്വിഡ് മെഡിക്കൽ ഓക്‌സിജൻ ബംഗ്‌ളാദേശിലേക്ക് പത്ത് കണ്ടെയ്‌നറുകളിലായാണ് കൊണ്ടുപോയത്. ബംഗ്‌ളാദേശിലെ ബെനാപോളിലേക്കാണ് ഓക്‌സിജൻ എത്തിക്കുക. ട്രെയിൻ യാത്ര ആരംഭിക്കുന്നതിന്റെ വീഡിയോ റെയിൽവേ മന്ത്രാലയം ട്വിറ്ററിൽ പങ്കുവെച്ചിട്ടുണ്ട്.
Indian Railways’ Oxygen Express to supply Liquid Medical(LMO) oxygen to Bangladesh:
First time ever, Indian Railways is transporting 200 MT LMO to Bangladesh in 10 containers from Tatanagar to Benapole, Bangladesh.https://t.co/C20TZHhBLF pic.twitter.com/NQWLoJMFy8
— Ministry of Railways (@RailMinIndia) July 24, 2021
ലിക്വിഡ് മെഡിക്കൽ ഓക്‌സിജൻ ആവശ്യമുള്ള ഇന്ത്യൻ സംസ്‌ഥാനങ്ങൾക്ക് ആശ്വാസം നൽകുന്നതിനായി 2021 ഏപ്രിൽ 24ന് ആണ് ഇന്ത്യൻ റെയിൽവേ ഓക്‌സിജൻ എക്‌സ്‌പ്രസ് ആരംഭിച്ചത്. ഇതിനോടകം 35,000 മെട്രിക് ടൺ ലിക്വിഡ് മെഡിക്കൽ ഓക്‌സിജൻ 15 സംസ്‌ഥാനങ്ങളിലേക്ക് എത്തിച്ചു. ഏകദേശം 480 ഓക്‌സിജൻ എക്‌സ്‌പ്രസുകളാണ് ഇതിനുവേണ്ടി ഉപയോഗിച്ചത്.
Also Read: ഒരാഴ്‌ചത്തെ സന്ദർശനത്തിന് പ്രഫുൽ പട്ടേൽ വീണ്ടും ലക്ഷദ്വീപിലേക്ക്‌
