കോയമ്പത്തൂര്: ആര്യ വൈദ്യ ഫാര്മസി മാനേജിങ് ഡയറക്ടര് പി.ആര് കൃഷ്ണ കുമാര് (69) അന്തരിച്ചു. ബുധനാഴ്ച രാത്രി 9 മണിയോടെ ആയിരുന്നു അന്ത്യം. ന്യുമോണിയ ബാധിച്ചതിനെ തുടര്ന്ന് ഒരാഴ്ചയായി ചികിത്സയിലായിരുന്നു.
ആര്യ വൈദ്യശാല സ്ഥാപകനും ആയുര്വേദ വിദഗ്ധനുമായ പി.വി രാമവാര്യരുടെ മകനാണ് കൃഷ്ണ കുമാര്. 1994 ലാണ് അദ്ദേഹം ആര്യ വൈദ്യ ഫാര്മസിയുടെ നേതൃത്വം ഏറ്റെടുക്കുന്നത്. കോയമ്പത്തൂരില് രാമനാഥപുരത്തെ രാജ മന്ദിരത്തിലായിരുന്നു താമസം. 2009 ല് രാജ്യം പത്മശ്രീ നല്കി ആദരിച്ചിരുന്നു.
അദ്ദേഹത്തിന്റെ വിയോഗത്തില് മുഖ്യമന്ത്രി പിണറായി വിജയന് അനുശോചനം അറിയിച്ചു. ആയുര്വേദ മേഖലയുടെ വളര്ച്ചക്ക് വലിയ സംഭാവനകള് നല്കിയ വ്യക്തിയായിരുന്നു കൃഷ്ണ കുമാറെന്നും മുഖ്യമന്ത്രി പറഞ്ഞു.