രജൗരി: പുതുവര്ഷത്തിന്റെ ആദ്യ ദിനത്തിലും വെടി നിര്ത്തല് കരാര് ലംഘിച്ച് പാകിസ്ഥാന്. ജമ്മു കശ്മീരിലെ രജൗരിയില് ആണ് പാകിസ്ഥാന് വെടിനിര്ത്തല് ലംഘിച്ച് ആക്രമണം നടത്തിയത്. പാക് സൈന്യം ചെറിയ ആയുധങ്ങള് ഉപയോഗിച്ച് വെടിയുതിര്ക്കുകയും മോര്ട്ടാറുകള് ഉപയോഗിച്ച് ഷെല്ലാക്രമണം നടത്തുകയും ചെയ്തതായി ദേശീയ മാദ്ധ്യമങ്ങള് റിപ്പോര്ട്ട് ചെയ്തു.
ഇന്ന് ഉച്ചകഴിഞ്ഞ് മൂന്നരയോടെയാണ് പാകിസ്ഥാന് സൈന്യം വെടിനിര്ത്തല് നിയമം ലംഘിച്ച് ആക്രമണം നടത്തിയത്. ഇന്ത്യന് സൈന്യം ആക്രമണത്തില് തിരിച്ചടിച്ചതായി ആണ് വിവരം. കഴിഞ്ഞ ദിവസവും പാകിസ്ഥാന് വെടിനിര്ത്തല് ലംഘിച്ചിരുന്നു. നൗഷെറ മേഖലയിലെ നിയന്ത്രണ രേഖയിലാണ് വ്യാഴാഴ്ച പാകിസ്ഥാന് ആക്രമണം നടത്തിയത്.
Read Also: ഉൽസവങ്ങളും കലാപരിപാടികളും ജനുവരി അഞ്ച് മുതല് അനുവദിക്കും; തിയേറ്ററുകളും തുറക്കാം