മലപ്പുറം: ജില്ലയിലെ പൊന്നാനി നഗരസഭ പത്തൊൻപതാം വാർഡിലെ കറുപ്പം വീട്ടിൽ ഐഷാബിയുടെ ഒരു വർഷത്തെ പെൻഷൻ വ്യാജ ഒപ്പിട്ട് തട്ടിയെടുത്ത ബാങ്ക് ജീവനക്കാരനെതിരെ നിയമ നടപടിയെടുക്കുക, തട്ടിപ്പിന് കൂട്ടുനിന്ന മുഴുവൻ ഉദ്യോഗസ്ഥരെയും പിരിച്ചു വിടുക, കഴിഞ്ഞ അഞ്ച് വർഷത്തെ പെൻഷൻ വിതരണത്തെ സംബന്ധിച്ച് വിശദമായ അന്വേഷണം നടത്തുക എന്നീ ആവശ്യങ്ങൾ ഉന്നയിച്ച് യൂത്ത് കോൺഗ്രസ് പൊന്നാനി മണ്ഡലം കമ്മറ്റിയുടെ നേതൃത്വത്തിൽ സിപിഐഎം നിയന്ത്രണത്തിലുള്ള സർവീസ് സഹകരണ ബാങ്കിന് മുൻപിൽ പ്രതിഷേധ നിൽപ്പ് സമരം നടത്തി.
സമരം കെപിസിസി മെമ്പർ അഡ്വ. കെ ശിവരാമൻ ഉൽഘാടനം ചെയ്തു. മണ്ഡലം യൂത്ത് കോൺഗ്രസ് പ്രസിഡണ്ട് പി വി ദർവേഷ് അദ്ധ്യക്ഷത വഹിച്ചു. നദീം ജാബിർ, യാസിർ സലാം പൊന്നാനി എന്നിവർ നേതൃത്വം നൽകി.
Most Read: ‘അഭിപ്രായ സ്വാതന്ത്ര്യം ദുരുപയോഗം ചെയ്യുന്നു’; സുപ്രീം കോടതി