തിരുവനന്തപുരം: ആറ്റുകാൽ ഭഗവതി ക്ഷേത്രത്തിലെ ഈ വർഷത്തെ പൊങ്കാല ഉൽസവം ക്ഷേത്ര കോമ്പൗണ്ടിൽ മാത്രം നടത്താൻ തീരുമാനം. കോവിഡ് പടരുന്ന സാഹചര്യത്തിലാണ് ക്ഷേത്ര കോമ്പൗണ്ടിൽ മാത്രമായി പൊങ്കാലയിടുന്നത് പരിമിതപ്പെടുത്താൻ തീരുമാനം എടുത്തത്. കോവിഡ് പ്രോട്ടോക്കോൾ പാലിച്ചു കൊണ്ടാവും ഉൽസവം നടത്തുക.
ഇക്കുറി പൊതു സ്ഥലങ്ങളിൽ പൊങ്കാലക്ക് അനുമതിയില്ല. ഫെബ്രുവരി 28നാണ് ഈ വർഷത്തെ ആറ്റുകാൽ പൊങ്കാല ഉൽസവം. ലോകത്തിൽ ഏറ്റവും കൂടുതൽ സ്ത്രീകൾ ഒത്തുകൂടുന്ന ഉൽസവം എന്ന പേരിൽ ഗിന്നസ് ബുക്കിൽ ഇടം നേടിയ ആറ്റുകാൽ പൊങ്കാലയിൽ ലക്ഷക്കണക്കിന് സ്ത്രീകളാണ് പങ്കെടുക്കാറുള്ളത്. കഴിഞ്ഞ വർഷം കോവിഡ് ആരംഭസമയത്ത് ആറ്റുകാൽ പൊങ്കാലക്ക് അനുമതി നൽകിയത് വിവാദമായിരുന്നു.
Read Also: എഴുത്തച്ഛൻ പുരസ്കാരം സക്കറിയക്ക് മുഖ്യമന്ത്രി സമ്മാനിച്ചു