ഭോപ്പാല്: മധ്യപ്രദേശിൽ കോവിഡ് പ്രതിരോധ വാക്സിനായ റെംഡെസിവിറുമായി വന്ന വിമാനം ലാന്ഡിംഗിനിടെ റണ്വേയില് നിന്ന് തെന്നിമാറിയ സംഭവത്തിൽ അന്വേഷണത്തിന് ഉത്തരവ്. ഗ്വാളിയോര് കളക്ടറാണ് അന്വേഷണത്തിന് ഉത്തരവിട്ടത്.
റെംഡെസിവിറുമായി വന്ന വിമാനം കഴിഞ്ഞ ദിവസമാണ് ഗ്വാളിയോര് വിമാനത്താവളത്തില് ലാന്ഡിംഗിനിടെ റൺവേയിൽ നിന്നും തെന്നിമാറിയത്. ഇന്നലെ രാത്രി 8.30ഓടെ ഗ്വാളിയറിലെ മഹാരാജ്പുര വിമാനത്താവളത്തിലാണ് സംഭവം. അപകടത്തില് പൈലറ്റിനും സഹപൈലറ്റിനും പരിക്കേറ്റിരുന്നു.
വിമാനത്തിൽ ഉണ്ടായിരുന്ന റെംഡെസിവിര് മരുന്ന് സുരക്ഷിതമാണെന്ന് ദേശീയ മാദ്ധ്യമങ്ങൾ റിപ്പോർട് ചെയ്തിരുന്നു. സാങ്കേതിക തകരാറാണ് അപകടത്തിന് കാരണമെന്നായിരുന്നു പ്രാഥമിക നിഗമനം. അതേസമയം വ്യോമയാന അധികൃതരാണ് അപകടത്തെക്കുറിച്ച് അന്വേഷിക്കുന്നത്.
Read Also: കോവിഡ് പ്രതിരോധം: ജനങ്ങള്ക്കു മുന്നില് മോദി സര്ക്കാര് പരാജയപ്പെട്ടു; സോണിയ ഗാന്ധി