കൊച്ചി: കോവിഡ് നിർണയം നടത്താനുള്ള ആര്ടിപിസിആര് ടെസ്റ്റ് നിരക്ക് കുറച്ച സര്ക്കാര് ഉത്തരവിനെതിരെ ലാബ് ഉടമകള് നല്കിയ ഹരജി ഇന്ന് ഹൈക്കോടതി സിംഗിള് ബെഞ്ച് പരിഗണിക്കും. നേരത്തെ സമാന കേസില് ലാബ് ഉടമകളുടെ ഹര്ജി സിംഗിള് ബെഞ്ചും ഡിവിഷന് ബെഞ്ചും തള്ളിയിരുന്നു.
സര്ക്കാര് തീരുമാനത്തില് ആക്ഷേപമുണ്ടെങ്കില് വീണ്ടും സിംഗിള് ബെഞ്ചിനെ സമീപിക്കാമെന്ന് ചൂണ്ടിക്കാട്ടിയായിരുന്നു ഡിവിഷന് ബെഞ്ച് ഹര്ജി തള്ളിയത്. തുടർന്നാണ് ലാബ് ഉടമകളുടെ പുതിയ നീക്കം. ആർടിപിസിആർ റേറ്റുമായി ബന്ധപ്പെട്ട് സര്ക്കാര് ഏകപക്ഷീയമായ തീരുമാനമെടുത്തത് നിയമപരമല്ലെന്നും കുറഞ്ഞ നിരക്കില് ടെസ്റ്റ് നടത്തുന്നത് തങ്ങളെ സാമ്പത്തിക പ്രതിസന്ധിയിലാക്കുമെന്നും ലാബുടമകൾ ചൂണ്ടിക്കാട്ടുന്നു.
Read also: സംസ്ഥാനത്ത് മൂന്നാഴ്ച വളരെ പ്രധാനമാണെന്ന് ആരോഗ്യമന്ത്രി; കേന്ദ്ര സംഘം നാളെയെത്തും