തിരുവനന്തപുരം: സംസ്ഥാനത്ത് പ്ളസ് വൺ മാതൃകാ പരീക്ഷ നാളെ ആരംഭിക്കും. വിദ്യാർഥികൾക്ക് വീട്ടിലിരുന്ന് പരീക്ഷയെഴുതാം. ചോദ്യപേപ്പർ പരീക്ഷ തുടങ്ങുന്നതിന് ഒരു മണിക്കൂർ മുൻപ് dhsekerala.gov.in എന്ന വെബ്സൈറ്റിൽ നിന്ന് ഡൗൺലോഡ് ചെയ്യാവുന്നതാണ്.
സെപ്റ്റംബർ 6 മുതലാണ് പ്ളസ് വൺ പരീക്ഷ തുടങ്ങുന്നത്. 4.35 ലക്ഷം വിദ്യാർഥികളാണ് പരീക്ഷയെഴുതുക. പരീക്ഷക്ക് മുന്നോടിയായി സ്കൂളുകളും ക്ളാസ് മുറികളും ശുചീകരിക്കും. പൊതുജന പങ്കാളിത്തത്തോടെ സെപ്റ്റംബർ 2, 3, 4 തീയതികളിലാണ് ശുചീകരണ പ്രവർത്തികൾ നടക്കുക.
പരീക്ഷാ കേന്ദ്രങ്ങളിൽ തെർമൽ സ്കാനറും സാനിറ്റൈസറും ഉണ്ടെന്ന് ഉറപ്പുവരുത്തണം. പരീക്ഷക്കെത്തുന്ന വിദ്യാർഥികൾക്ക് യൂണിഫോം നിർബന്ധമാക്കരുതെന്ന് വിദ്യാഭ്യാസ മന്ത്രി വി ശിവൻകുട്ടി പ്രത്യേക നിർദ്ദേശം നൽകിയിട്ടുണ്ട്.
Also Read: ഓണക്കോടിയും 10,000 രൂപയും; നഗരസഭാ അധ്യക്ഷയുടെ ഓഫിസ് സീൽ ചെയ്തു