കോഴിക്കോട്: പോക്‌സോ കേസിൽ പൊതുപ്രവർത്തകൻ അറസ്‌റ്റിൽ. യൂത്ത് കോൺഗ്രസ് മുൻ നേതാവും കാമരാജ് കോൺഗ്രസ് ഭാരവാഹിയുമായ തിരുവള്ളൂർ മുരളിയെ കോഴിക്കോട് പേരാമ്പ്ര പോലീസാണ് അറസ്‌റ്റ് ചെയ്‌തത്‌. കഴിഞ്ഞ നവംബറിൽ 12 വയസ് പ്രായമുള്ള പെൺകുട്ടിയെ കാറിൽ വെച്ച് പീഡിപ്പിച്ചുവെന്ന പരാതിയിലാണ് അറസ്‌റ്റ്.
കുട്ടിയുടെ രക്ഷിതാക്കൾ പോലീസിൽ പരാതിപ്പെട്ടതിനെ തുടർന്ന് ഒളിവിൽ പോയ മുരളി നിയമസഭാ തിരഞ്ഞെടുപ്പ് കാലത്ത് നാട്ടിലെത്തിയിരുന്നു. ഈ വിവരമറിഞ്ഞതിനെ തുടർന്ന് പോലീസ് നടത്തിയ അന്വേഷണത്തിലാണ് ഇയാൾ പിടിയിലായത്. കോഴിക്കോട് പോക്‌സോ കോടതിയിൽ ഹാജരാക്കി പ്രതിയെ റിമാൻഡ് ചെയ്‌തു.
Also Read: സിദ്ദിഖ് കാപ്പൻ ഗുരുതരാവസ്‌ഥയിൽ; സുപ്രീം കോടതി അടിയന്തരമായി ഇടപെടണം
