തിരുവനന്തപുരം: തലസ്ഥാനത്ത് വീണ്ടും പോലീസിന് നേരെ ആക്രമണം. പൂന്തുറ സ്റ്റേഷനിലെ രണ്ട് എസ്ഐ മാര്ക്ക് പരിക്കേറ്റു. ഒരു എസ്ഐയുടെ കൈയൊടിഞ്ഞു. വാഹന പരിശോധനക്കിടെ സൈനികനാണ് പോലീസിനെ ആക്രമിച്ചത്.
സംഭവത്തില് കെല്വിന് വില്സ് എന്ന സൈനികനെ പോലീസ് അറസ്റ്റ് ചെയ്തു. പരിശോധനക്കിടെ വനിതാ പോലീസ് ഉദ്യോഗസ്ഥയോട് ഇയാള് മോശമായി പെരുമാറിയെന്ന് പോലീസ് പറയുന്നു. ഇതിനെ തുടര്ന്ന് അറസ്റ്റ് ചെയ്യാന് ശ്രമിക്കുന്നതിനിടെയാണ് സൈനികന് പോലീസിനെ ആക്രമിച്ചത്.
കഴിഞ്ഞ ദിവസവും തലസ്ഥാനത്ത് പോലീസിന് നേരെ ഗുണ്ടാ സംഘങ്ങളുടെ ആക്രമണം നടന്നിരുന്നു. കമലേശ്വരത്ത് വീടാക്രമിച്ച് മോഷണം നടത്തിയ പ്രതികളെ പിടികൂടാനെത്തിയ പോലീസ് സംഘത്തിന് നേരെയാണ് ആക്രമണമുണ്ടായത്. പ്രതികള് പോലീസ് വാഹനം ഇടിച്ച് തെറിപ്പിക്കാന് ശ്രമിക്കുക ആയിരുന്നു. കേസില് മൂന്ന് പേരെ ഫോര്ട്ട് പോലീസ് അറസ്റ്റ് ചെയ്തിരുന്നു.
Read Also: സംസ്ഥാനത്ത് ഈ മാസം റെക്കോര്ഡ് മഴ; 145 വര്ഷത്തെ ചരിത്രത്തില് ഇതാദ്യം