ന്യൂഡെൽഹി: തിരഞ്ഞെടുപ്പ് തന്ത്രജ്ഞൻ പ്രശാന്ത് കിഷോർ കോൺഗ്രസ് നേതാവ് രാഹുൽ ഗാന്ധിയുമായി ഡെൽഹിയിൽ കൂടിക്കാഴ്ച നടത്തി. മുതിർന്ന എൻസിപി നേതാവ് ശരദ് പവാറുമായുള്ള കൂടിക്കാഴ്ച നടന്ന് ദിവസങ്ങൾക്ക് ശേഷമാണ് പ്രശാന്ത് കിഷോർ രാഹുൽ ഗാന്ധിയെ കണ്ടത്.
കോൺഗ്രസ് നേതാക്കളായ പ്രിയങ്ക ഗാന്ധി, കെസി വേണുഗോപാൽ എന്നിവരും ഇന്നത്തെ യോഗത്തിൽ പങ്കെടുത്തു. ഡെൽഹിയിലെ രാഹുൽ ഗാന്ധിയുടെ വസതിയിൽ നടന്ന യോഗം പഞ്ചാബ് കോൺഗ്രസിൽ നിലനിൽക്കുന്ന പ്രതിസന്ധിയുടെ പശ്ചാത്തലത്തിലാണ് നടന്നതെന്നാണ് സൂചന.
പഞ്ചാബ് മുഖ്യമന്ത്രി ക്യാപ്റ്റൻ അമരീന്ദർ സിംഗും അദ്ദേഹത്തിന്റെ മുഖ്യ വിമർശകനായ നവജോത് സിംഗ് സിദ്ധുവും തമ്മിൽ നിലനിൽക്കുന്ന ഭിന്നത പരിഹരിക്കാനുള്ള ശ്രമങ്ങളുടെ ഭാഗമായാണ് കൂടിക്കാഴ്ച നടന്നതെന്ന് ദേശീയ മാദ്ധ്യമങ്ങളും റിപ്പോർട് ചെയ്യുന്നു.
Read Also: കോവിഡ് കുറയുന്നു; കർണാടകയിൽ രാത്രി കർഫ്യൂ പിൻവലിച്ചേക്കും