തിരുവനന്തപുരം: സംസ്ഥാനത്ത് 30,895 പേര്ക്ക് ആദ്യ ദിനം കരുതല് ഡോസ് കോവിഡ് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോര്ജ്. 19,549 ആരോഗ്യ പ്രവര്ത്തകര്, 2635 കോവിഡ് മുന്നണി പോരാളികള്, 8711 അറുപത് വയസ് കഴിഞ്ഞ അനുബന്ധ രോഗമുള്ളവര് എന്നിവര്ക്കാണ് കരുതല് ഡോസ് നല്കിയത്.
സംസ്ഥാനത്ത് ഏറ്റവുമധികം പേര്ക്ക് കരുതല് ഡോസ് നല്കിയത് തിരുവനന്തപുരം ജില്ലയാണ്. തിരുവനന്തപുരം 6,455, കൊല്ലം 3,184, പത്തനംതിട്ട 1,731, ആലപ്പുഴ 1,742, കോട്ടയം 1,701, ഇടുക്കി 719, എറണാകുളം 2,855, തൃശൂര് 5,327, പാലക്കാട് 922, മലപ്പുറം 841, കോഴിക്കോട് 2,184, വയനാട് 896, കണ്ണൂര് 1,461, കാസര്ഗോഡ് 877 എന്നിങ്ങനെയാണ് കരുതല് ഡോസ് നല്കിയത്.
Most Read: വഖഫ് നിയമനം; പ്രതിഷേധം ശക്തമാക്കാൻ ലീഗ്, 27ന് കളക്ടറേറ്റ് മാർച്ച്