ലണ്ടൻ: ഇംഗ്ളീഷ് പ്രീമിയര്‍ ലീഗില്‍ ഇന്നത്തെ മൽസരങ്ങളില്‍ ലിവർപൂൾ, ന്യൂകാസിലിനെയും ചെൽസി വെസ്‌റ്റ് ഹാമിനെയും നേരിടും. ലിവർപൂൾ-ന്യൂകാസില്‍ മൽസരം വൈകീട്ട് അഞ്ച് മണിക്കാണ്. വെസ്‌റ്റ് ഹാം-ചെല്‍സി പോരാട്ടം രാത്രി പത്തിനും. പോയിന്റ് പട്ടികയിൽ ചെൽസി നാലാമതും വെസ്‌റ്റ് ഹാം അഞ്ചാമതുമാണ്. മുൻ ചാമ്പ്യൻമാരായ ലിവർപൂൾ ഏഴാമതും ന്യൂ കാസില്‍ 15ആം സ്‌ഥാനത്തുമാണ് പട്ടികയിൽ.
ഇന്നലത്തെ മൽസരത്തില്‍ എവർട്ടണെതിരെ ആഴ്‌സണല്‍ തോൽവി വഴങ്ങി. ഏകപക്ഷീയമായ ഒരു ഗോളിനാണ് ആഴ്‌സണലിനെ എവർട്ടൺ തോൽപിച്ചത്. ആഴ്‌സണൽ ഗോൾ കീപ്പർ ലെനോയുടെ സെൽഫ് ഗോളിലാണ് എവർട്ടൺ മൽസരം ജയിച്ചത്. മൽസരം അവസാനിക്കാൻ 14 മിനിറ്റ് മാത്രം ബാക്കിയിരിക്കെയാണ് ലെനോയുടെ സെൽഫ് ഗോൾ പിറന്നത്.
Read Also: സമ്മാനമായി ആർസിബിയുടെ ജേഴ്‌സി; കോഹ്‍ലിക്ക് നന്ദി പറഞ്ഞ് പെപ് ഗാർഡിയോള
