കാര്ഷിക നിയമത്തിനെതിരായി പഞ്ചാബില് പ്രതിഷേധം തുടരുന്ന കര്ഷകര് ഇന്ന് യോഗം ചേരും. തുടര് നടപടികളും കേന്ദ്ര സര്ക്കാര് നാളെ വിളിക്കുന്ന യോഗത്തില് സ്വീകരിക്കേണ്ട നിലപാട് സംബന്ധിച്ചും ചര്ച്ച ചെയ്യും. കാര്ഷിക നിയമത്തിനെതിരെ റോഡ്- റെയില് ഗതാഗത സംവിധനങ്ങള് തടഞ്ഞുകൊണ്ട് പഞ്ചാബില് ശക്തമായ പ്രക്ഷോഭങ്ങള് ഇപ്പോഴും തുടരുകയാണ്.
നാളെ കേന്ദ്ര മന്ത്രി രാജ്നാഥ് സിംഗിന്റെ വസതിയില് വെച്ച് കര്ഷകരുമായി സര്ക്കാര് കൂടിക്കാഴ്ച്ച നടത്തും. യോഗത്തിനായി കര്ഷകര്ക്ക് ഇന്ന് ക്ഷണം ലഭിക്കുമെന്ന് സംസ്ഥാന ബിജെപി നേതൃത്വം അറിയിച്ചു. കര്ഷകരുടെ പ്രക്ഷോഭങ്ങള് കാരണം വന് പ്രതിസന്ധികളിലൂടെയാണ് പഞ്ചാബ് കടന്ന് പോയികൊണ്ടിരിക്കുന്നത്.
Also Read: തകരാർ പരിഹരിച്ചു; മണിക്കൂറുകൾക്ക് ശേഷം യൂട്യൂബ് തിരിച്ചെത്തി