ഡെൽഹി: കോവിഡ് പ്രതിസന്ധിയിൽ ഇന്ത്യക്ക് ലഭിച്ച വിദേശ സഹായങ്ങള്‍ സംബന്ധിച്ച് കേന്ദ്രസര്‍ക്കാരിനോട് ഗൗരവമായ ചോദ്യങ്ങള്‍ ഉന്നയിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ഇന്ത്യക്ക് ലഭിച്ച സഹായങ്ങളെ സംബന്ധിച്ച നിരവധി ചോദ്യങ്ങളാണ് രാഹുൽ തന്റെ ട്വിറ്ററിലൂടെ ചോദിക്കുന്നത്.
‘എന്താല്ലാം വിദേശ സഹായമാണ് നമ്മുക്ക് ലഭിച്ചത്?, അതെല്ലാം എവിടെ?, ആരാണ് ഇതിന്റെയൊക്കെ ഗുണഭോക്‌താവ്?, എങ്ങനെയാണ് ഈ സഹായങ്ങള്‍ സംസ്‌ഥാനങ്ങള്‍ക്ക് നല്‍കുക?, എന്താണ് ഇതിലൊന്നും സുതാര്യത ഇല്ലാത്തത്? – കേന്ദ്രസര്‍ക്കാരിന് ഇതിനെല്ലാം എന്തെങ്കിലും ഉത്തരമുണ്ടോ?’- രാഹുല്‍ ഗാന്ധി ട്വിറ്ററില്‍ ചോദിക്കുന്നു.
Questions about Covid foreign aid:
– What all supplies has India received?
– Where are they?
– Who is benefitting from them?
– How are they allocated to states?
– Why no transparency?Any answers, GOI?
— Rahul Gandhi (@RahulGandhi) May 5, 2021
കോവിഡ് വ്യാപനം രൂക്ഷമായതോടെ വിവിധ വിദേശ രാജ്യങ്ങൾ ഇന്ത്യക്ക് സഹായങ്ങള്‍ പ്രഖ്യാപിക്കുകയും അവ ഇന്ത്യയില്‍ എത്തിക്കുകയും ചെയ്‌തിരുന്നു. 5 ദിവസം മുന്‍പ് തന്നെ 300 ടണ്‍ കോവിഡ് അടിയന്തര സഹായങ്ങള്‍ വിദേശ രാജ്യങ്ങളില്‍ നിന്നും ഡെൽഹിയില്‍ എത്തിയിട്ടുണ്ടെന്നാണ് ദേശീയ മാദ്ധ്യമങ്ങള്‍ റിപ്പോർട് ചെയ്യുന്നത്.
Read Also: ബിഡിജെഎസ് എൻഡിഎ വിടില്ല; തീരുമാനം ബിജെപി അഭ്യർഥന മാനിച്ച്
