ന്യൂഡെൽഹി: കോവിഡ് വാക്‌സിന്റെ കയറ്റുമതി ഉടൻ നിർത്തലാക്കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് കത്തെഴുതി കോൺഗ്രസ് എംപി രാഹുൽ ഗാന്ധി. ആവശ്യമുള്ള എല്ലാവർക്കും പ്രതിരോധ കുത്തിവെപ്പ് നൽകണമെന്നും കത്തിൽ ആവശ്യപ്പെടുന്നു. മറ്റ് വാക്‌സിനുകൾ വേഗത്തിൽ കണ്ടെത്താനും കോൺഗ്രസ് നേതാവ് സർക്കാരിനോട് അഭ്യർഥിച്ചു.
കേന്ദ്രത്തിന്റെ മേൽനോട്ടത്തിലും കാര്യങ്ങൾ നടപ്പിലാക്കുന്നതിലും വന്ന വീഴ്‌ച ശാസ്‌ത്ര സമൂഹത്തിന്റെയും വാക്‌സിൻ നിർമാതാക്കളുടെയും ശ്രമങ്ങളെ ദുർബലപ്പെടുത്തി എന്നും രാഹുൽ ആരോപിച്ചു.
രാജ്യത്ത് കോവിഡ് കേസുകളുടെ എണ്ണം വർധിക്കുകയും വാക്‌സിൻ വിതരണത്തിൽ കേന്ദ്രവും ചില സംസ്‌ഥാനങ്ങളും തമ്മിൽ തർക്കങ്ങൾ നിലനിൽക്കുകയും ചെയ്യുന്ന പശ്‌ചാത്തലത്തിലാണ് രാഹുൽ പ്രധാനമന്ത്രിക്ക് കത്തെഴുതുന്നത്.
Also Read: മൻസൂർ കൊലപാതകം; ആകാശ് തില്ലങ്കേരിക്ക് പങ്കെന്ന് കെ സുധാകരന്‍
