ഡെൽഹി: വയനാട് മണ്ഡലത്തിലെ വായ്‌പയെടുത്ത കര്‍ഷകര്‍ക്കും ചെറുകിട സംരഭകര്‍ക്കും മൊറട്ടോറിയം അനുവദിക്കണമെന്ന് ആവശ്യപ്പെട്ട് എംപി രാഹുല്‍ ഗാന്ധി കേന്ദ്രധനകാര്യ മന്ത്രിക്ക് കത്തെഴുതി. രണ്ട് വർഷം തുടര്‍ച്ചയായി ഉണ്ടായ പ്രളയവും കോവിഡിനെ തുടര്‍ന്നുണ്ടായ ലോക്ക്ഡൗണും കാരണം വായ്‌പ എടുത്തവർ ഏറെ കഷ്‌ടതയിലാണെന്ന് കത്തിൽ പറയുന്നു.
ലോക്ക്ഡൗണിൽ രാജ്യത്തെ കർഷകർ നേരിടുന്ന വൻ പ്രതിസന്ധിയെ കുറിച്ചും കത്തിൽ സൂചിപ്പിക്കുന്നു. 2021 ഡിസംബര്‍ 31 വരെ മൊറട്ടോറിയം നീട്ടണമെന്നും രാഹുല്‍ ഗാന്ധി കത്തിലൂടെ ആവശ്യപ്പെട്ടു. പലിശ എഴുതി തള്ളണമെന്നും രാഹുൽ കത്തിൽ ആവശ്യപ്പെടുന്നു.
രണ്ട് വർഷം തുടർച്ച‌യായുണ്ടായ പ്രളയവും അനന്തമായി നീളുന്ന കോവിഡ് ലോക്ക്ഡൗണും കാരണം കഷ്ടതയനുഭവിക്കുന്ന വയനാട് മണ്ഡലത്തിലെ കർഷകരുടെയും ചെറുകിട സംരംഭകരുടേയും വായ്പകൾക്ക് അടിയന്തിരമായി മൊറട്ടോറിയം അനുവദിക്കണം എന്നാവശ്യപ്പെട്ട് കേന്ദ്ര ധനകാര്യ മന്ത്രിക്ക് കത്തയച്ചു. pic.twitter.com/woBsYckhvr
— Rahul Gandhi – Wayanad (@RGWayanadOffice) July 29, 2021
Also Read: ന്യൂനപക്ഷ സ്‌കോളർഷിപ്പ്; വിഡി സതീശനെ വിമർശിച്ച് യൂത്ത് കോൺഗ്രസ്
