ജയ്പൂർ: രാജസ്ഥാന് നിയമസഭ പാസാക്കിയ കാര്ഷിക നിയമ പരിഷ്കാര ബില്ലുകള് ഗവര്ണര് ഒപ്പിടാന് താമസിക്കുന്നതില് പ്രതിഷേധിച്ച് കോണ്ഗ്രസ് ശനിയാഴ്ച്ച സംസ്ഥാന വ്യാപകമായി പ്രതിഷേധിക്കും. രണ്ടു മാസം മുന്പ് നിയമസഭ പാസാക്കിയ ബില് ഗവര്ണര് ഒപ്പുവെക്കുകയോ പ്രസിഡണ്ടിനു അയക്കുകയോ ചെയ്തിട്ടില്ല.
കര്ഷകരോട് ഐക്യദാര്ഢ്യം പ്രഖ്യാപിക്കുക എന്ന ലക്ഷ്യത്തോടെയാണ് പ്രതിഷേധ ദിനം ആചരിക്കുന്നതെന്ന് മന്ത്രിസഭാ യോഗത്തിന് ശേഷം പിസിസി പ്രസിഡണ്ട് കൂടിയായ വിദ്യാഭ്യാസ മന്ത്രി ഗോവിന്ദ് സിങ് ദോത്താസര പറഞ്ഞു. കൂടാതെ വിവാദമായ കാര്ഷിക നിയമങ്ങള് പിന്വലിക്കണം എന്നാവശ്യപ്പെട്ട് ‘കര്ഷകരെ രക്ഷിക്കൂ നാടിനെ രക്ഷിക്കൂ’ എന്ന ആഹ്വാനവുമായി ഒരാഴ്ച നീളുന്ന പരിപാടികളും സംഘടിപ്പിക്കുന്നുണ്ട്.
കേന്ദ്രസര്ക്കാര് നടപ്പിലാക്കിയ കാര്ഷിക നിയമങ്ങള് മറിക്കിടക്കുന്നതിന് വേണ്ടി രാജസ്ഥാനിലെ കോണ്ഗ്രസ് സര്ക്കാര് കൊണ്ടുവന്ന നിയമ നിര്മ്മാണത്തിലാണ് ഗവര്ണര് ഒപ്പുവെക്കാതിരിക്കുന്നത്.
Read Also: ഇന്ത്യ-ബ്രിട്ടൺ വിമാന സർവീസ് ജനുവരി എട്ട് മുതൽ പുനരാരംഭിക്കും