ചെന്നൈ: തന്റെ രാഷ്‌ട്രീയ പാര്‍ട്ടിയുടെ ഔദ്യോഗിക പ്രഖ്യാപനം ഡിസംബര്‍ 31 ന് നടത്തുമെന്ന് നടന്‍ രജനികാന്ത്. ജനുവരിയില്‍ പാര്‍ട്ടിയുടെ പ്രവര്‍ത്തനം ആരംഭിക്കുമെന്നും അദ്ദേഹം പറഞ്ഞു. ഏറെ നാളത്തെ അനിശ്‌ചിതത്വത്തിന് ശേഷമാണ് രാഷ്‌ട്രീയ പാര്‍ട്ടിയുമായി ബന്ധപ്പെട്ട വിഷയത്തില്‍ രജനികാന്ത് പ്രഖ്യാപനം നടത്തിയത്. ട്വിറ്ററിലൂടെ ആയിരുന്നു പ്രഖ്യാപനം.
രജനികാന്തിനെ കൂടെ ചേര്‍ക്കാന്‍ ബിജെപി ശ്രമിച്ചിരുന്നു. ഇതിന് മുന്നോടിയായി ചെന്നൈയില്‍ എത്തിയ അമിത് ഷാ രജനികാന്തുമായ് കൂടിക്കാഴ്‌ചക്ക് ശ്രമിച്ചിരുന്നു. എന്നാല്‍, തനിക്ക് ആരോഗ്യ പ്രശ്‌നങ്ങളുണ്ടെന്നും സജീവ രാഷ്‌ട്രീയത്തിലേക്ക് ഇറങ്ങുന്നതിനോട് കുടുംബത്തിന് വലിയ യോജിപ്പില്ലെന്നുമാണ് അന്ന് രജനികാന്ത് അറിയിച്ചത്.
Read also: ആവശ്യങ്ങൾ അംഗീകരിച്ചില്ലെങ്കിൽ റിപ്പബ്ളിക്ക് ദിന പരേഡിൽ അണിനിരക്കും; മുന്നറിയിപ്പുമായി കർഷകർ
