പാലാ: രാജ്യസഭാ ഉപതിരഞ്ഞെടുപ്പില് കേരള കോണ്ഗ്രസ് (എം) ചെയര്മാന് ജോസ് കെ മാണി നാമനിര്ദേശ പത്രിക സമര്പ്പിച്ചു. ഇന്ന് രാവിലെ 11.30ഓടെ എല്ഡിഎഫ് സ്ഥാനാര്ഥിയായി നിയമസഭാ സെക്രട്ടറി മുന്പാകെയാണ് ജോസ് കെ മാണി പത്രിക സമര്പ്പിച്ചത്.
രാജ്യസഭാ സീറ്റ് കേരള കോണ്ഗ്രസ് എമ്മിനു നല്കാന് എല്ഡിഎഫ് നേതൃയോഗം തീരുമാനിച്ചതിനെ തുടർന്ന് മന്ത്രി റോഷി അഗസ്റ്റിന്റെ വസതിയില് ചേര്ന്ന പാര്ലമെന്ററി പാര്ട്ടി യോഗത്തിലാണു ജോസ് കെ മാണിയെ മൽസര രംഗത്തിറക്കാൻ തീരുമാനം ആയത്.
ഈ മാസം 29നാണ് ഉപതിരഞ്ഞെടുപ്പ്. നാമനിര്ദേശ പത്രിക സമര്പ്പിക്കാനുള്ള അവസാന തീയതി നവംബര് 16 ആണ്. സൂക്ഷ്മ പരിശോധന 17ന് നടക്കും. പത്രിക പിന്വലിക്കാനുള്ള അവസാന തീയതി 22 ആണ്. നവംബര് 29ന് രാവിലെ 9 മുതല് 4 വരെയാണ് വോട്ടെടുപ്പ് നടക്കുക.
Read also: ജെഎൻയു ക്യാംപസില് വിദ്യാർഥി സംഘർഷം; നിരവധി പേർക്ക് പരിക്ക്