ആലപ്പുഴ: ബിജെപി നേതാവ് രഞ്ജിത് വധക്കേസില് മുഖ്യ ആസൂത്രകരായ രണ്ട് എസ്ഡിപിഐ പ്രവര്ത്തകര് അറസ്റ്റില്. മണ്ണഞ്ചേരി സ്വദേശി ഷാജി (47), പൊന്നാട് സ്വദേശി നഹാസ് (31) എന്നിവരാണ് അറസ്റ്റിലായത്.
ഇതുവരെ 18 പേരാണ് കേസിൽ പിടിയിലായത്. കൂടുതൽ പേർ ഇനിയും അറസ്റ്റിലാവാനുണ്ടെന്ന് പോലീസ് വ്യക്തമാക്കി.
ഡിസംബര് 19ന് ബൈക്കിലെത്തിയ 12 അംഗ സംഘമാണ് ബിജെപി നേതാവിനെ കൊലപ്പെടുത്തിയത്.
അതേസമയം പ്രതികൾക്ക് പുറത്തുനിന്നുള്ള സഹായം ലഭിക്കുന്നതിനാല് ഇവർ സുരക്ഷിത ഇടങ്ങളിലേക്ക് ഒളിത്താവളം മാറ്റാന് ഇടയുണ്ടെന്നാണ് അന്വേഷണ സംഘത്തിന്റെ നിഗമനം. പ്രതികള്ക്കായി അന്വേഷണ സംഘം കൂടുതല് സംസ്ഥാനങ്ങളിലേക്ക് തിരച്ചില് വ്യാപിപ്പിച്ചിരുന്നു.
Most Read: തിരുവനന്തപുരത്ത് വീണ്ടും ഗുണ്ടാ ആക്രമണം