ന്യൂഡെൽഹി: റിപ്പബ്ളിക്ക് ദിനത്തിൽ ചെങ്കോട്ടയിൽ ഉണ്ടായ അക്രമ സംഭവങ്ങളുമായി ബന്ധപ്പെട്ട ആളുകളുടെ ഫോട്ടോ ഡെൽഹി പോലീസ് പുറത്തുവിട്ടു. 20 പേരുടെ ഫോട്ടോയാണ് ഇപ്പോൾ പുറത്തു വിട്ടിരിക്കുന്നത്.
വീഡിയോ ദൃശ്യങ്ങളിൽ നിന്നാണ് പോലീസ് ഫോട്ടോകൾ തയാറാക്കിയത് എന്നാണ് ലഭിക്കുന്ന വിവരം. ഇവർക്കായുള്ള അന്വേഷണം ഊർജ്ജിതമാക്കിതായി പോലീസ് അറിയിച്ചു.
ചെങ്കോട്ട ആക്രമത്തിൽ ഉൾപ്പെട്ട 200 പേരുടെ ഫോട്ടോകൾ നേരത്തെ ഡെൽഹി പോലീസ് പുറത്തുവിട്ടിരുന്നു. അതിന്റെ തുടർച്ചയായാണ് 20 പേരുടെ ഫോട്ടോ കൂടി പോലീസ് പുറത്തുവിട്ടത്.
കേന്ദ്ര സർക്കാരിന്റെ പുതിയ കാർഷിക നിയമങ്ങൾ പിൻവലിക്കണം എന്നാവശ്യപ്പെട്ട് റിപ്പബ്ളിക് ദിനത്തിൽ കർഷകർ നടത്തിയ ട്രാക്ടർ മാർച്ചിനിടെ ബാരിക്കേഡുകൾ നീക്കം ചെയ്ത് ഒരു കൂട്ടം ആളുകൾ അക്രമം നടത്തിയതായി പോലീസ് പറയുന്നു. സംഘർഷത്തിൽ നിരവധി പോലീസുകാർക്ക് പരിക്കേൽക്കുകയും വാഹനങ്ങൾക്ക് കേടുപാടുകൾ സംഭവിക്കുകയും ചെയ്തിരുന്നു.
അക്രമവുമായി ബന്ധപ്പെട്ട് ഇതുവരെ 14 പേരാണ് അറസ്റ്റിലായത്.
Read Also: കെ സുരേന്ദ്രന്റെ ‘വിജയയാത്ര’ക്ക് ഇന്ന് തുടക്കമാകും; യോഗി ആദിത്യനാഥ് എത്തും