തിരുവനന്തപുരം: സംസ്ഥാനത്ത് സൗരോർജവും ജലവൈദ്യുതിയും ആവശ്യാനുസരണം ലഭ്യമാകുന്ന പശ്ചാത്തലത്തിൽ പകൽ സമയത്തെ വൈദ്യുതി നിരക്ക് കുറക്കുന്നത് പരിഗണനയിലാണെന്ന് വൈദ്യുതി മന്ത്രി കെ കൃഷ്ണൻകുട്ടി. പാലക്കാട് കഞ്ചിക്കോട് 220 കെവി സബ് സ്റ്റേഷൻ പരിസരത്ത് സ്ഥാപിച്ച മൂന്ന് മെഗാവാട്ട് സൗരോർജ നിലയം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം.
സിഇഎ റെഗുലേഷൻ സംബന്ധിച്ച് സുപ്രീം കോടതി പുറപ്പെടുവിച്ച സുപ്രധാന വിധിയെ തുടർന്ന് കെഎസ്ഇബിയിൽ വർഷങ്ങളായി പ്രൊമോഷൻ മുടങ്ങിയിരുന്ന 4230 തൊഴിലാളികൾക്ക് രണ്ടാഴ്ചക്കകം പ്രമോഷൻ നൽകാൻ നിർദ്ദേശം നൽകിയിട്ടുണ്ടെന്നും മന്ത്രി അറിയിച്ചു.
അതേസമയം ലൈൻമാൻ 2ൽ നിന്ന് ലൈൻമാൻ 1ലേക്ക് 3170 പേർക്കും ലൈൻമാൻ 1ൽ നിന്ന് ഓവർസീയറിലേക്ക് 830 പേർക്കും ഓവർസീയർ/ മീറ്റർ റീഡറിൽ നിന്ന് സബ് എഞ്ചിനീയറിലേക്ക് 90 പേർക്കും സബ് എഞ്ചിനീയറിൽ നിന്ന് അസിസ്റ്റന്റ് എഞ്ചിനീയറിലേക്ക് 140 പേർക്കും പ്രമോഷൻ ലഭിക്കുമെന്നും സൂചനയുണ്ട്.
Most Read: ദീപുവിന്റെ കൊലപാതകം; മരണകാരണം തലയ്ക്കേറ്റ ക്ഷതം-പ്രാഥമിക റിപ്പോർട്