ഭോപ്പാൽ: മതവികാരം വൃണപ്പെടുത്തി എന്നാരോപിച്ച് നെറ്ഫ്ളിക്‌സ് വെബ് സീരീസായ എ സ്യൂട്ടബിൾ ബോയ്‌ക്ക് എതിരെ ബിജെപിയുടെ പ്രതിഷേധം. മുതിർന്ന ബിജെപി നേതാവും മധ്യപ്രദേശ് ആഭ്യന്തര മന്ത്രിയുമായ നരോട്ടം മിശ്രയാണ് നടപടി ആവശ്യപ്പെട്ട് രംഗത്ത് വന്നിരിക്കുന്നത്. യുവമോർച്ച ദേശീയ പ്രസിഡണ്ട് ഗൗരവ് തിവാരിയുടെ പരാതി ചൂണ്ടിക്കാട്ടിയാണ് മിശ്ര നടപടി ആവശ്യപ്പെട്ടത്.
ഹിന്ദു സ്‌ത്രീയും, മുസ്‌ലിം യുവാവും ക്ഷേത്രത്തിൽ വച്ച് ചുംബന രംഗങ്ങളിൽ ഏർപ്പെടുന്നത് ഹിന്ദു വിശ്വാസികളെ വേദനിപ്പിക്കുന്നു എന്നാണ് പരാതിയിൽ പറയുന്നത്. ലവ് ജിഹാദിനെ പ്രോൽസാഹിപ്പിക്കുന്ന ചിത്രമാണ് ഇതെന്നും ഗൗരവ് തിവാരി ട്വീറ്റിലൂടെ പറയുന്നു. നെറ്റ്ഫ്ളിക്‌സ് ലവ് ജിഹാദിനെ പ്രോൽസാഹിപ്പിക്കുന്നു, അതിനാൽ നടപടി സ്വീകരിക്കണം എന്നതാണ് ആവശ്യം.
‘A Suitable Boy’ सिरीज महेश्वर में (नवंबर-दिसंबर 2019) में शूट हुई है। उस वक्त प्रदेश में कांग्रेस की सरकार थी और कांग्रेस विधायक विजयलक्ष्मी साधो ने इस हिंदू विरोधी सिरीज का प्रचार किया और उन्हें मंदिर प्रांगण में शूट करने की इजाज़त दिलवायी थी।
कांग्रेस और कमलनाथ माफी माँगें। pic.twitter.com/pYt1nfGsQm
— Gaurav Tiwari (@adolitics) November 22, 2020
ഇതിന് പിന്നാലെയാണ് നരോട്ടം മിശ്രയും ഇതിനെ അനുകൂലിച്ച് രംഗത്ത് വന്നത്. ‘ സംഭവവുമായി ബന്ധപ്പെട്ട് പരിശോധനക്ക് നിർദേശം നൽകിയിട്ടുണ്ട്, ഇത്തരം രംഗങ്ങൾക്ക് ഉൾപ്പെടുത്തിയതിന് നെറ്റ്ഫ്ളിക്‌സിന് എതിരെയും, സീരീസിന്റെ അണിയറ പ്രവത്തകർക്ക് എതിരെയും നടപടിക്ക് ശുപാർശ ചെയ്‌തിട്ടുണ്ട്‌’ മിശ്ര പറഞ്ഞു.
വിക്രം സേത്തിന്റെ നോവലിനെ അടിസ്‌ഥാനമാക്കി മീര നായർ ഒരുക്കിയ വെബ് സീരീസാണ് ‘എ സ്യൂട്ടബിൾ ബോയ്‘. ശക്‌തമായ പ്രമേയം കൈകാര്യം ചെയ്യുന്ന സീരീസിൽ ഇഷാൻ ഖട്ടാർ, തബു എന്നിവരാണ് മുഖ്യ വേഷങ്ങളിൽ എത്തിയത്.
ഒക്‌ടോബർ 23നാണ് ഇത് പ്രദർശനത്തിന് എത്തിയത്. സ്വാതന്ത്രാനന്തര ഭാരതത്തിലെ കുറച്ചു കുടുംബങ്ങളും അവർക്കിടയിലെ വിഷയങ്ങളും പറയുന്ന ചിത്രം നേരത്തെ തന്നെ സംഘ പരിവാറിന്റെ കണ്ണിലെ കരടായിരുന്നു.
Read Also: ഗോസംരക്ഷണത്തിന് ‘മന്ത്രി പരിഷത്ത് സമിതി’ രൂപീകരിക്കാന്‍ ഒരുങ്ങി മധ്യപ്രദേശ് സര്‍ക്കാര്‍
