ദുബായ്: 200 ഐപിഎൽ മൽസരങ്ങൾ എന്ന നേട്ടത്തിലെത്തുന്ന രണ്ടാമത്തെ താരമായി മുംബൈ ഇന്ത്യൻസിന്റെ നായകൻ രോഹിത് ശർമ്മ. ഡെൽഹി ക്യാപിറ്റൽസിനെതിരെ ഫൈനൽ പോരാട്ടത്തിന് കളത്തിലിറങ്ങിയതോടെയാണ് ക്രിക്കറ്റ് പ്രേമികളുടെ ‘ഹിറ്റ്മാൻ’ നേട്ടം സ്വന്തമാക്കിയത്.
ഐപിഎല്ലിൽ 200 മൽസരങ്ങൾ കളിച്ച് ചെന്നൈ സൂപ്പർ കിങ്സിന്റെ ക്യാപ്റ്റൻ കൂൾ മഹേന്ദ്ര സിങ് ധോണിയാണ് ഒന്നാം സ്ഥാനം നേടിയത്. ഈ സീസണിലാണ് ധോണിയും 200 മൽസരങ്ങൾ പൂർത്തിയാക്കിയത്. നിലവിൽ 204 മൽസരങ്ങളിലാണ് ധോണി പാഡണിഞ്ഞത്.
National News: ജസ്റ്റിസ് കർണന്റെ വീഡിയോകൾ തടഞ്ഞു വെക്കാൻ ഹൈക്കോടതി ഉത്തരവ്
2008 മുതൽ 2010 വരെ ഡെക്കാൺ ചാർജേഴ്സിലാണ് രോഹിത് കളിച്ചത്. ഡെക്കാൻ ടീം പിരിച്ചുവിട്ടതോടെ 2010ൽ താരത്തെ മുംബൈ ഇന്ത്യൻസ് ടീമിൽ എത്തിക്കുകയായിരുന്നു. ഡെക്കാണിൽ 45 മൽസരങ്ങൾ കളിച്ച രോഹിത് മുംബൈ ജഴ്സിയിൽ 155 മൽസരങ്ങളാണ് കളിച്ചത്. നാല് തവണ മുംബൈ ഇന്ത്യൻസിനായി ഐപിഎൽ കിരീടം നേടിയ താരമാണ് രോഹിത്.