ധനുഷും സായ് പല്ലവിയും ചേര്ന്ന് ചുവടുവെച്ച് തരംഗം സൃഷ്ടിച്ച ഗാനമാണ് മാരി 2 വിലെ ‘റൗഡി ബേബി’. ചടുല നൃത്തച്ചുവടുകളും ത്രസിപ്പിക്കുന്ന സംഗീതവുമായി ലോകമെമ്പാടുമുള്ള പ്രേക്ഷകരുടെ മനം കവര്ന്ന ഗാനം ഇപ്പോഴിതാ പുതിയ റെക്കോര്ഡ് സ്വന്തമാക്കിയിരിക്കുകയാണ്. യൂട്യൂബില് തെന്നിന്ത്യന് ഭാഷയില് 1 ബില്യണ് വ്യൂസ് നേടുന്ന ആദ്യ ഗാനമെന്ന റെക്കോര്ഡാണ് ‘റൗഡി ബേബി’ നേടിയിരിക്കുന്നത്.
2018ല് പുറത്തിറങ്ങിയ മാരി 2വിലെ ഈ ഗാനം നേരത്തേ തന്നെ സൂപ്പര് ഹിറ്റായിരുന്നു. പ്രഭുദേവ കൊറിയോഗ്രഫിയും യുവാന് ശങ്കര് രാജ സംഗീത സംവിധാനവും നിര്വഹിച്ച ഗാനം ധനുഷും ദീയും ചേര്ന്നാണ് ആലപിച്ചത്.
Must Read: ഓൺലൈൻ മാദ്ധ്യമങ്ങൾക്ക് നിയന്ത്രണം; കേന്ദ്രം മാർഗരേഖ പുറത്ത് വിട്ടു
‘റൗഡി ബേബി’യുടെ റെക്കോര്ഡ് നേട്ടത്തിന്റെ മധുരത്തിനൊപ്പംമറ്റൊരു സന്തോഷവും ധനുഷ് ആരാധകരുമായി പങ്കുവെച്ചിട്ടുണ്ട്. ലോകമെമ്പാടും ആരാധകരെ സൃഷ്ടിച്ച ധനുഷിന്റെ ‘കൊലവെറി‘ പാട്ട് ഇറങ്ങിയിട്ട് ഇന്നേക്ക് ഒമ്പത് വര്ഷം പൂര്ത്തിയാകുകയാണ്.
What a sweet coincidence this is ❤️❤️ Rowdy baby hits 1 billion views on same day of the 9th anniversary of Kolaveri di. We are honoured that this is the first South Indian song to reach 1 billion views. Our whole team thanks you from the heart ❤️❤️
— Dhanush (@dhanushkraja) November 16, 2020
അനിരുദ്ധ് രവിചന്ദറും ധനുഷും ചേര്ന്ന് ഒമ്പത് വര്ഷം മുമ്പാണ് ‘3‘ എന്ന ചിത്രത്തിന് വേണ്ടി ‘കൊലവെറി’ ഗാനം ഒരുക്കിയത്. സംഗീത സംവിധായകനെന്ന നിലയില് അനിരുദ്ധിന്റെ ആദ്യ ഗാനമായിരുന്ന കൊലവെറി ധനുഷ് തന്നെയാണ് പാടിയതും.
Read Also: ‘സാനി കൈദം’ ഫസ്റ്റ് ലുക്ക് പോസ്റ്ററെത്തി; കൗതുകമുണര്ത്തി കീര്ത്തിയും സെല്വരാഘവനും