ന്യൂഡെൽഹി: കെ-റെയിൽ പദ്ധതിയുമായി ബന്ധപ്പെട്ട് നിലപാട് മയപ്പെടുത്തി ശശി തരൂര് എംപി. പദ്ധതിയെക്കുറിച്ച് കേന്ദ്രസര്ക്കാരിന്റെ നിലപാട് അവ്യക്തമാണ്. പദ്ധതി പ്രാബല്യത്തിൽ വരുത്തുന്നതിന് മുന്പ് എല്ലാവരുമായി കൂടിയാലോചന നടത്തണം. പരിസ്ഥിതി നാശം, നഷ്ടപരിഹാരം എന്നിവയില് നിലപാട് വ്യക്തമാക്കണമെന്നും തരൂർ ട്വീറ്റ് ചെയ്തു.
പദ്ധതിക്കെതിരെ യുഡിഎഫ് എംപിമാര് റെയില്വെ മന്ത്രിക്ക് നല്കിയ നിവേദനത്തില് തരൂര് എംപി ഒപ്പുവച്ചിരുന്നില്ല. ഇക്കാര്യത്തിൽ എംപിക്കെതിരെ വ്യാപക വിമർശനം ഉയർന്നിരുന്നു. അതേസമയം നിവേദനത്തില് ഒപ്പിടാത്തതിനാല് താന് പദ്ധതിയെ അനുകൂലിക്കുകയാണെന്ന വാദം തെറ്റാണെന്നും വ്യവസായങ്ങളെ പ്രോൽസാഹിപ്പിക്കുന്ന മുഖ്യമന്ത്രിയുടെ നിലപാട് സ്വാഗതാര്ഹമാണ് എന്നാണ് താൻ പറഞ്ഞതെന്നും തരൂർ വ്യക്തമാക്കിയിരുന്നു.
Read also: തൃണമൂൽ എംപി ഡെറിക് ഒബ്രിയാനെ രാജ്യസഭയിൽ നിന്ന് സസ്പെൻഡ് ചെയ്തു