റിയാദ്: സൗദി അറേബ്യയിൽ ഇന്ന് 1,077 പേർക്ക് കോവിഡ് സ്ഥിരീകരിച്ചു. രാജ്യത്ത് ചികിൽസയിൽ ഉണ്ടായിരുന്നവരിൽ 906 പേർ രോഗമുക്തരായി. ഇന്ന് റിപ്പോർട് ചെയ്തത് 16 മരണങ്ങളാണ്. ഇതോടെ രാജ്യത്തെ ആകെ മരണസംഖ്യ 7,553 ആയി.
രാജ്യത്ത് ഇതുവരെ റിപ്പോർട് ചെയ്ത കോവിഡ് ബാധിതരുടെ എണ്ണം 4,64,780 ആണ്. ഇവരിൽ രോഗമുക്തരുടെ എണ്ണം 4,46,960 ആയി ഉയർന്നു. രാജ്യത്ത് നിലവിൽ ചികിൽസയിൽ ഉള്ളവരുടെ എണ്ണം 10,267 ആണ്. ഇതിൽ 1,562 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.2 ശതമാനവും മരണനിരക്ക് 1.6 ശതമാനവുമായി തുടരുന്നു.