റിയാദ് : കഴിഞ്ഞ 24 മണിക്കൂറിനിടെ സൗദിയിൽ കോവിഡ് ബാധിതരായിരുന്ന 15 പേർ മരിച്ചു. ഇതോടെ രാജ്യത്തെ ആകെ കോവിഡ് മരണസംഖ്യ 7,775 ആയി ഉയർന്നു. കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്ഥിരീകരിച്ച ആകെ ആളുകളുടെ എണ്ണം 1,218 ആണ്. കൂടാതെ 1,252 പേർ കോവിഡ് മുക്തരാകുകയും ചെയ്തു.
നിലവിൽ രാജ്യത്ത് ഇതുവരെ കോവിഡ് സ്ഥിരീകരിച്ച ആകെ ആളുകളുടെ എണ്ണം 4,83,221 ആയി ഉയർന്നു. ഇവരിൽ 4,64,256 പേരും ഇതുവരെ കോവിഡ് മുക്തരായി. 96 ശതമാനമാണ് രാജ്യത്തെ നിലവിലെ കോവിഡ് മുക്തി നിരക്ക്. കൂടാതെ കോവിഡ് മരണനിരക്ക് 1.6 ശതമാനമായി തുടരുകയാണ്.
കഴിഞ്ഞ 24 മണിക്കൂറിൽ രാജ്യത്ത് ഏറ്റവും കൂടുതൽ ആളുകൾക്ക് കോവിഡ് സ്ഥിരീകരിച്ചത് മക്കയിലാണ്. 369 പേർക്കാണ് കഴിഞ്ഞ 24 മണിക്കൂറിൽ മക്കയിൽ കോവിഡ് ബാധിച്ചത്. കൂടാതെ രാജ്യത്ത് ഇതുവരെ 17,28,065 ഡോസ് കോവിഡ് വാക്സിൻ വിതരണം ചെയ്തതായും ആരോഗ്യ പ്രതിരോധ മന്ത്രാലയം വ്യക്തമാക്കി.
Read also : കാർ സജേഷിന്റേത് തന്നെ; കസ്റ്റംസ് സംഘം വാഹനം പരിശോധിക്കും; അന്വേഷണം ഊർജിതം