കാഞ്ഞങ്ങാട്: പുതുക്കി പണിത ആവിയിൽ മുഹ്യദ്ദീൻ മസ്ജിദ് നാളെ, ഏപ്രിൽ ഒന്നിന് വ്യാഴാഴ്ച ഉൽഘാടനം നിർവഹിക്കും. അസർ നിസ്കാരത്തിന് നേതൃത്വം നൽകി സമസ്ത കേരള ജംഇയ്യത്തുൽ ഉലമ പ്രസിഡണ്ടും, കാഞ്ഞങ്ങാട് സംയുക്ത ജമാഅത്ത് ഖാസിയുമായ സയ്യിദുൽ ഉലമ സയ്യിദ് ജിഫ്രി മുത്തുക്കോയ തങ്ങളാണ് ഉൽഘാടനം നിർവഹിക്കുന്നത്.
തുടർന്ന് നടക്കുന്ന പ്രാർഥനാ സംഗമത്തിന് സമസ്ത മുശാവറ അംഗവും പള്ളിക്കര, നീലേശ്വരം സംയുക്ത ഖാസിയുമായ ഇകെ മഹമൂദ് മുസ്ലിയാർ നേതൃത്വം നൽകും. എഎം നൗഷാദ് ബാഖവി ചിറയിൻകീഴ് മുഖ്യ പ്രഭാഷണം നടത്തും. ചടങ്ങിൽ ശരീഫ് എൽകെ സ്വാഗതവും അബ്ദുറഹ്മാൻ മൗലവി ആലൂർ നന്ദിയും പറയും
ജഅഫർ ബുസ്താനി ബാവാനഗർ, സുലൈമാൻ സഅദി ബോവിക്കാനം, സുലൈമാൻ ഫൈസി ബദരിയ നഗർ, അബ്ദുൽ ഖാദർ യമാനി, ഹംസ മുസ്ലിയാർ ബദരിയ നഗർ, അബ്ദുല്ല അശ്റഫി ആവിയിൽ, മുഹമ്മദ് കുഞ്ഞി മുസ്ലിയാർ ബദരിയ നഗർ, അബ്ദുല്ല സഖാഫി പുതിയകോട്ട, റിയാസ് ദാരിമി ബദരിയ നഗർ, അബ്ദു റശീദ് സഅദി ബല്ലാകടപ്പുറം, അബ്ദുൽ അസീസ് ലത്തീഫി കുശാൽ നഗർ, റിയാസ് അർശദി പൊവ്വൽ തുടങ്ങിയവരും ഉൽഘാടന പരിപാടിയിൽ സംബന്ധിക്കും.
Most Read: ആധാർ- പാൻ കാർഡുകൾ തമ്മിൽ ബന്ധിപ്പിക്കേണ്ട അവസാന തീയതി ഇന്ന്