ന്യൂഡെൽഹി: രാജ്യത്തെ ഏറ്റവും വലിയ പൊതുമേഖലാ ബാങ്കായ സ്‌റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഭവന വായ്‌പകളുടെ പലിശ നിരക്ക് കുറച്ച നടപടി പ്രാബല്യത്തിൽ വന്നു. പുതുക്കിയ നിരക്ക് മെയ് ഒന്ന് മുതലാണ് പ്രാബല്യത്തിൽ വന്നത്. മിനിമം പലിശ നിരക്ക് 6.95ല്‍ നിന്ന് 6.70 ശതമാനമായാണ് ബാങ്ക് കുറച്ചത്.
പുതിയ നിരക്ക് പ്രകാരം 30 ലക്ഷം വരെയുള്ള ഭവന വായ്‌പകള്‍ക്ക് 6.70 ശതമാനവും 30-75 ലക്ഷം വരെയുള്ള ഭവന വായ്‌പകൾക്ക് 6.95 ശതമാനവും 75 ലക്ഷത്തിന് മുകളിൽ 7.05 ശതമാനവുമാണ് പലിശ നിരക്കുകൾ. കൂടാതെ വനിതകള്‍ക്ക് അഞ്ച് ബിപിഎസ് പ്രത്യേക ഇളവും നല്‍കും. എസ്ബിഐ യോനോ ആപ്പ് വഴി അപേക്ഷിക്കുന്നവര്‍ക്കും അഞ്ച് ബിപിഎസ് പലിശ ഇളവ് ലഭിക്കും.
പുതിയ നിരക്ക് പ്രകാരം 30 ലക്ഷം രൂപയുടെ ഭവന വായ്‌പക്ക് എസ്ബിഐ കാല്‍ക്കുലേറ്റര്‍ പ്രകാരം 6.70 ശതമാനം പലിശ നിരക്കില്‍ 15 വര്‍ഷത്തേക്ക് 26,464 രൂപയായിരിക്കും പ്രതിമാസ ഇഎംഐ ആയി അടക്കേണ്ടി വരിക. 6.95 ശതമാനം പലിശ നിരക്ക് പ്രകാരം ഇത് 26,881 രൂപയായിരിക്കും.
Read Also: സ്വർണവിലയിൽ വർധന; പവന് കൂടിയത് 160 രൂപ
