തിരുവനന്തപുരം: സംസ്ഥാനത്ത് നവംബർ ഒന്നാം തീയതി മുതൽ സ്കൂളുകൾ തുറക്കാൻ ധാരണ. മുഖ്യമന്ത്രിയുടെ നേതൃത്വത്തിൽ ഇന്ന് ചേർന്ന കോവിഡ് അവലോകന യോഗത്തിലാണ് ഇക്കാര്യത്തിൽ ധാരണ ഉണ്ടായത്. ഇതോടെ കോവിഡ് വ്യാപനത്തെ തുടർന്ന് അടച്ച സ്കൂളുകൾ ഒന്നര വർഷത്തിന് ശേഷം തുറക്കാൻ ഒരുങ്ങുകയാണ്.
സ്കൂളുകൾ തുറക്കുന്നത് സംബന്ധിച്ച മാർഗരേഖ തയ്യാറാക്കാൻ ഇന്നത്തെ യോഗത്തിൽ തീരുമാനമായി. കൂടാതെ ഏതൊക്കെ ക്ളാസുകളാണ് തുറക്കുന്നതെന്ന കാര്യത്തിലുൾപ്പടെ പിന്നീട് തീരുമാനമെടുക്കും. നിലവിൽ 9ആം ക്ളാസ് മുതലുള്ള വിദ്യാർഥികൾക്ക് അധ്യയനം ആരംഭിക്കാനാണ് സർക്കാർ നീക്കമെന്നാണ് സൂചന.
സംസ്ഥാനത്ത് ഒക്ടോബർ 4ആം തീയതി മുതൽ കോളേജുകൾ തുറക്കാൻ തീരുമാനിച്ചിട്ടുണ്ട്. കോവിഡ് വ്യാപനം കുറഞ്ഞ സാഹചര്യത്തിലാണ് സംസ്ഥാനത്ത് കോളേജുകളും സ്കൂളുകളും തുറക്കാൻ തീരുമാനിച്ചിരിക്കുന്നത്.
Read also: വളർത്ത് മൃഗങ്ങൾക്ക് ഭീഷണി; നെല്ലിയാമ്പതിയിൽ വന്യമൃഗ ശല്യം രൂക്ഷം