ചെന്നൈ: വിദ്യാഭ്യാസ സ്ഥാപനങ്ങൾ തുറക്കാൻ തീരുമാനിച്ച് പുതുച്ചേരിയും തമിഴ്നാടും. കോവിഡ് നിയന്ത്രണങ്ങളിലെ ഇളവുകളെ തുടർന്നാണ് വിദ്യാഭ്യാസ സ്ഥാപനങ്ങൾ തുറക്കാൻ തീരുമാനിച്ചത്. തമിഴ്നാട്ടിൽ നാളെ മുതൽ എല്ലാ വിദ്യാഭ്യാസ സ്ഥാപനങ്ങളിലും നേരിട്ടുള്ള വിദ്യാഭ്യാസം പുനഃരാരംഭിക്കും. പുതുച്ചേരിയിൽ ഫെബ്രുവരി 4ആം തീയതി മുതലാണ് വിദ്യാഭ്യാസ സ്ഥാപനങ്ങളിൽ അധ്യയനം ആരംഭിക്കുക.
തമിഴ്നാട്ടിൽ നിലവിൽ പ്രതിദിന കോവിഡ് കേസുകളിൽ കുത്തനെ കുറവ് ഉണ്ടായിട്ടുണ്ട്. 19,280 ആളുകൾക്കാണ് സംസ്ഥാനത്ത് പുതുതായി കോവിഡ് സ്ഥിരീകരിച്ചത്. കൂടാതെ ചെന്നൈയിലും പ്രതിദിന രോഗബാധിതരുടെ എണ്ണത്തിൽ കുറവ് ഉണ്ടായിട്ടുണ്ട്.
പ്രതിദിന രോഗബാധ 8,000 വരെ എത്തിയ ചെന്നൈയിൽ നിലവിൽ 2,897 പേർക്കാണ് കോവിഡ് സ്ഥിരീകരിച്ചത്. കൂടാതെ 20 പേർ കോവിഡിനെ തുടർന്ന് മരിക്കുകയും ചെയ്തു.
Read also: വാവ സുരേഷിന് സൗജന്യ ചികിൽസ ഉറപ്പ് നൽകി ആരോഗ്യമന്ത്രി