ചെന്നൈ: കോവിഡ് ബാധിതരാകുന്ന ആളുകളുടെ എണ്ണത്തിൽ പ്രതിദിനം വർധന ഉണ്ടാകുന്ന സാഹചര്യത്തിൽ വീണ്ടും മാസ്‌ക് നിർബന്ധമാക്കി തമിഴ്‌നാട്. പൊതു സ്‌ഥലങ്ങളിൽ നിബന്ധമായും മാസ്‌ക് ധരിക്കണമെന്നും അല്ലാത്തപക്ഷം 500 രൂപ പിഴയായി ഈടാക്കുമെന്നും ആരോഗ്യവകുപ്പ് സെക്രട്ടറി ഡോ. ജെ രാധാകൃഷ്‌ണൻ വ്യക്‌തമാക്കി.
നിലവിൽ മദ്രാസ് ഐഐടിയിൽ കോവിഡ് വ്യാപനം കണ്ടെത്തിയിരുന്നു. കഴിഞ്ഞ രണ്ട് ദിവസത്തിനിടെ ഒരു അധ്യാപകൻ ഉൾപ്പടെ 30 പേർക്കാണ് മദ്രാസ് ഐഐടിയിൽ കോവിഡ് സ്‌ഥിരീകരിച്ചത്‌. അതിന് പിന്നാലെയാണ് ഇപ്പോൾ പൊതുസ്‌ഥലങ്ങളിൽ മാസ്‌ക് നിർബന്ധമാക്കിയതായി അധികൃതർ വ്യക്‌തമാക്കിയത്‌.
രാജ്യത്ത് മിക്ക സംസ്‌ഥാനങ്ങളിലും നിലവിൽ കോവിഡ് കേസുകളുടെ എണ്ണത്തിൽ വർധന ഉണ്ടാകുന്നുണ്ട്. ഈ സാഹചര്യത്തിൽ പിൻവലിച്ച പല കോവിഡ് നിയന്ത്രണങ്ങളും സംസ്‌ഥാനങ്ങൾ വീണ്ടും പ്രാബല്യത്തിൽ കൊണ്ടുവരികയും ചെയ്യുകയാണ്.
Read also: തൃശൂർ പൂരം; പോലീസ് ഉന്നതതല ആലോചനാ യോഗം ബഹിഷ്‌കരിച്ച് ദേവസ്വങ്ങൾ
