തിരുവനന്തപുരം: കോൺഗ്രസിൽ നിന്ന് മുതിര്ന്ന നേതാക്കളെ മാറ്റി നിര്ത്തി മുന്നോട്ടു പോകാനാകില്ലെന്ന് ആവര്ത്തിച്ച് മുതിർന്ന നേതാവ് രമേശ് ചെന്നിത്തല. കേരളത്തിന്റെ ചുമതലയുള്ള എഐസിസി പ്രതിനിധി താരീഖ് അന്വറുമായുള്ള കൂടിക്കാഴ്ചക്ക് പിന്നാലെയായിരുന്നു അദ്ദേഹത്തിന്റെ പ്രതികരണം. കോണ്ഗ്രസ് ഒറ്റക്കെട്ടായി മുന്നോട്ട് പോകണമെന്നും എഐസിസി അതിനുള്ള സാഹചര്യം ഒരുക്കണമെന്നും ചെന്നിത്തല മാദ്ധ്യമങ്ങളോട് പറഞ്ഞു.
“ആരെയും ഇരുട്ടില് നിര്ത്തുന്നത് ശരിയല്ല. മുതിര്ന്ന നേതാക്കളായ വിഎം സുധീരനുമായും മുല്ലപ്പള്ളി രാമചന്ദ്രനുമായും ചര്ച്ച നടത്തണം”- അദ്ദേഹം ആവശ്യപ്പെട്ടു.
അതേസമയം എഐസിസിയിൽ നിന്നും കെപിസിസി രാഷ്ട്രീയ കാര്യ സമിതിയിൽ നിന്നും രാജിവെച്ച തീരുമാനത്തില് ഉറച്ചു നിൽക്കുന്നു എന്നാണ് വിഎം സുധീരൻ പറഞ്ഞത്. ഹൈക്കമാൻഡ് നടപടികള്ക്കായി കാത്തിരിക്കുന്നു എന്നും സുധീരൻ കൂട്ടിച്ചേർത്തു. അതേസമയം സുധീരന്റെ നിര്ദ്ദേശങ്ങള് ഗൗരവത്തോടെ കാണുമെന്നും അദ്ദേഹം സജീവ കോണ്ഗ്രസുകാരനായി തുടരുമെന്ന് പ്രതീക്ഷിക്കുന്നതായും താരീഖ് അന്വര് പറഞ്ഞു.
Read also: പോലീസ് ഉദ്യോഗസ്ഥന്റെ വീട് കയറി അതിക്രമം; ഒരാൾ അറസ്റ്റിൽ