മുംബൈ: ആഗോള വിപണികളിലെ പ്രതികൂല സാഹചര്യങ്ങൾ രാജ്യത്തെ ഓഹരി വിപണിയെയും കനത്ത നഷ്ടത്തിലാക്കി. പുതിയ വ്യാപാര ആഴ്ചയുടെ തുടക്കത്തിൽ തന്നെ നിഫ്റ്റി 17,000 നിലവാരത്തിലേയ്ക്ക് താഴ്ന്നു. ഏറ്റവും വലിയ തിരിച്ചടി ലഭിച്ചത് ബാങ്ക് സൂചികയ്ക്കാണ്. മൂന്ന് ശതമാനത്തിലേറെ നഷ്ടമാണ് ഇതിന് നേരിട്ടത്.
സെൻസെക്സ് 1250 പോയിന്റ് നഷ്ടത്തിൽ 56,903ലും, നിഫ്റ്റി 365 പോയിന്റ് താഴ്ന്ന് 17,019ലുമാണ് വ്യാപാരം ആരംഭിച്ചത്. യുഎസിലെ വിലക്കയറ്റ സൂചിക തുടർച്ചയായ മാസങ്ങളിൽ കുതിപ്പ് രേഖപ്പെടുത്തിയതും ഉക്രയിൻ-റഷ്യ സംഘർഷവുമാണ് ആഗോള വിപണിയെ ബാധിച്ചത്. മിക്കവാറും ഏഷ്യൻ സൂചികകളും നഷ്ടത്തിലാണ് വ്യാപാരം നടത്തുന്നത്.
മഹീന്ദ്ര ആൻഡ് മഹീന്ദ്ര, എസ്ബിഐ, ഐടിസി, എൽആൻഡി, ഐസിഐസിഐ ബാങ്ക് തുടങ്ങിയ ഓഹരികളാണ് പ്രധാനമായും നഷ്ടത്തിൽ വ്യാപാരം ആരംഭിച്ചവ. അതേസമയം, ബാങ്ക് ഇതര ഓഹരികൾ പിടിച്ചുനിന്നു. ഒഎൻജിസി. ടിസിഎസ് എന്നീ ഓഹരികൾ നേട്ടത്തിലാണ് മുന്നോട്ട് പോവുന്നത്.
Read Also: ഇരുചക്ര വാഹനങ്ങളുടെ ശബ്ദം മാറ്റൽ; ഇന്ന് പ്രത്യേക പരിശോധന