മെറിലാന്റ്: ചീറിപ്പാഞ്ഞുവന്ന കാറിന് മുന്നിൽ നിന്ന് അതിസാഹസികമായി ഒരു പെൺകുട്ടിയുടെ ജീവൻ രക്ഷിച്ച് വനിതാ പോലീസ്. ദിവസങ്ങൾക്ക് മുൻപ് അമേരിക്കയിലെ മെറിലാന്റിൽ ആണ് സംഭവം. പെൺകുട്ടി സീബ്രാ ക്രോസിംഗിലൂടെ റോഡ് മുറിച്ചുകടക്കാൻ ശ്രമിക്കുന്നതിനിടെ ആണ് കാർ ചീറിപ്പാഞ്ഞെത്തിയത്.
ഉടൻ തന്നെ ട്രാഫിക്കിലുണ്ടായിരുന്ന പോലീസ് ഓഫിസർ കുട്ടിയെ പിടിച്ച് മാറ്റുകയായിരുന്നു. എന്നാൽ അമിത വേഗത്തിലെത്തിയ കാർ പോലീസ് ഉദ്യോഗസ്ഥയെ ഇടിച്ചു. ഇതുകണ്ട് ആളുകൾ ഓടിക്കൂടി. സംഭവത്തിന്റെ ദൃശ്യങ്ങൾ സിസിടിവിയിൽ പതിഞ്ഞിരുന്നു. ഇത് സെസിൽ കൺട്രി എക്സിക്യൂട്ടീവ് ഡാനിയേൽ ഹോൺബെർഗർ ട്വിറ്ററിലൂടെ പുറത്തുവിട്ടു.
നോർത്ത് ഈസ്റ്റ് പോലീസ് ഡിപ്പാർട്ട്മെന്റിൽ ജോലി ചെയ്യുന്ന ആനെറ്റ് ഗുഡ് ഇയർ എന്ന പോലീസ് ഓഫിസറാണ് കുട്ടിയെ രക്ഷപ്പെടുത്തിയത്. 14 വർഷത്തിലേറെയായി ക്രോസിംഗ് ഗാർഡായി ജോലി ചെയ്തു വരികയാണ് ആനെറ്റ് ഗുഡ് ഇയർ.
Cpl. Annette Goodyear of #CecilCounty’s Police Department here in Maryland is rightfully being hailed as a hero after saving this child from being hit by an oncoming car. pic.twitter.com/tLCPQ5uocu
— Wes Moore for Maryland Governor (@iamwesmoore) February 5, 2022
Most Read: വനിതാ ചെറുകിട സംരംഭകർക്ക് കൈത്താങ്ങ്; ഉദ്യം പോർട്ടലിൽ രജിസ്റ്റർ ചെയ്യാം