ന്യൂഡെൽഹി: അധോലോക കുറ്റവാളി ഛോട്ടാ രാജനെ കടുത്ത വയറുവേദനയെ തുടർന്ന് എയിംസിൽ പ്രവേശിപ്പിച്ചു. നേരത്തെ ഏപ്രില്‍ 25ന് ഛോട്ടാ രാജനെ എയിംസില്‍ പ്രവേശിപ്പിച്ചിരുന്നു. ദിവസങ്ങള്‍ നീണ്ട ചികിൽസക്ക് ശേഷമായിരുന്നു അന്ന് രാജന് ആശുപത്രി വിട്ടത്. പിന്നാലെയാണ് ഇപ്പോള്‍ വീണ്ടും എയിംസില്‍ പ്രവേശിപ്പിച്ചിരിക്കുന്നത്.
മുംബൈ അധോലോകത്തിലെ ഏറ്റവും പ്രധാനിയാണ് ഛോട്ടാ രാജൻ. 2015ല്‍ ഇന്തോനേഷ്യയിലെ ബാലിയില്‍ നിന്നാണ് ഇയാൾ അറസ്‌റ്റിലായത്‌. 2017ൽ ബാലിയിൽ നിന്ന് ഛോട്ടാ രാജനെ ഇന്ത്യയിലേക്ക് നാടുകടത്തിയിരുന്നു. മുംബൈയിൽ ഏകദേശം 70ലധികം കേസുകൾ ഛോട്ടാ രാജന് എതിരെയുണ്ട്. എല്ലാ കേസുകളും സിബിഐക്ക് കൈമാറുകയും വിചാരണക്കായി പ്രത്യേക കോടതി രൂപീകരിക്കുകയും ചെയ്‌തിരുന്നു.
Most Read: അഭിഭാഷകയായി ആൾമാറാട്ടം; മുൻ‌കൂർ ജാമ്യാപേക്ഷയുമായി സെസി സേവ്യർ ഹൈക്കോടതിയിൽ
