കണ്ണൂർ: സംസ്ഥാനത്ത് വാക്സിൻ ക്ഷാമം രൂക്ഷം. കണ്ണൂർ ജില്ലയിൽ ഒറ്റ ഡോസ് വാക്സിൻ പോലും അവശേഷിക്കുന്നില്ല. ജില്ലയിലെ വാക്സിനേഷൻ കേന്ദ്രങ്ങളിൽ ഇന്ന് കുത്തിവെപ്പ് മുടങ്ങും. കോവിഡ് സാഹചര്യം വിലയിരുത്താൻ മുഖ്യമന്ത്രിയുടെ നേതൃത്വത്തിൽ ഇന്ന് അവലോകന യോഗം ചേരും. സംസ്ഥാനത്തെ വാക്സിൻ സ്റ്റോക്ക് തീരുകയാണ്.
കണ്ണൂരിന് പുറമേ തിരുവനന്തപുരം, കൊല്ലം ജില്ലകളിലും ഇന്ന് വാക്സിനേഷൻ ഉണ്ടാകില്ല. ഈ രണ്ട് ജില്ലകളിലും ജില്ലകളിലും ഒരു ഡോസ് പോലും ശേഷിക്കുന്നില്ല. പത്തനംതിട്ട, കോട്ടയം, തൃശൂർ, കോഴിക്കോട്, വയനാട് ജില്ലകളിൽ കോവാക്സിൻ മാത്രമാണുള്ളത്.
വാക്സിൻ എന്ന് എത്തുമെന്ന കാര്യത്തിൽ വ്യക്തതയില്ല. 29ന് കൂടുതൽ വാക്സിൻ എത്തിക്കുമെന്നാണ് കേന്ദ്രം അറിയിച്ചിരുന്നത്. അടുത്ത മാസം 60 ലക്ഷം ഡോസ് വാക്സിൻ വേണ്ടി വരുമെന്നാണ് ആരോഗ്യവകുപ്പിന്റെ വിലയിരുത്തൽ.
Also Read: കുണ്ടറ പീഡന പരാതി; പോലീസിന് വീഴ്ച സംഭവിച്ചുവെന്ന് അന്വേഷണ റിപ്പോർട്