ന്യൂഡെൽഹി: പ്രശസ്ത ഗായകൻ സിദ്ദു മൂസ്വാലയുടെ കൊലപാതക കേസിൽ ഗുണ്ടാതലവൻ ലോറൻസ് ബിഷ്ണോയിയെ പഞ്ചാബ് പോലീസ് അറസ്റ്റ് ചെയ്തു. ഇതിന് പിന്നാലെ ബിഷ്ണോയിയെ പഞ്ചാബ് പോലീസ് ഡെൽഹി കോടതിയിൽ ഹാജരാക്കി. പഞ്ചാബ് പൊലീസ് സമർപ്പിച്ച ട്രാൻസിറ്റ് റിമാൻഡ് അപേക്ഷ ഇപ്പോഴും ഡെൽഹിയിലെ കോടതിയുടെ പരിഗണനയിലാണ്.
ആയുധ നിയമവുമായി ബന്ധപ്പെട്ട കേസിൽ റിമാൻഡ് കാലാവധി അവസാനിച്ചതിനെ തുടർന്ന് ലോറൻസ് ബിഷ്ണോയിയെ ഡെൽഹി പോലീസ് പട്യാല ഹൗസ് കോടതിയിൽ ഇന്ന് ഹാജരാക്കിയപ്പോഴാണ് അറസ്റ്റ് ചെയ്യാൻ പഞ്ചാബ് പോലീസിന് അനുമതി നൽകിയത്.
ഗായകനും രാഷ്ട്രീയ നേതാവുമായ സിദ്ദു മൂസ്വാലയെ കൊലപ്പെടുത്തിയതിന് പിന്നിലെ മുഖ്യ സൂത്രധാരനാണ് ലോറൻസ് ബിഷ്ണോയിയെന്ന് നേരത്തെ പോലീസ് കണ്ടെത്തിയിരുന്നു.
Read Also: വാട്സ്ആപ്പ് ഗ്രൂപ്പിൽ ചേർക്കാവുന്ന ആളുകളുടെ എണ്ണം ഉയർത്തി