തിരുവനന്തപുരം: ബജറ്റ് ചര്ച്ചകള്ക്ക് നിയമസഭയില് ഇന്ന് തുടക്കമാവും. ബജറ്റിൻമേലുള്ള ചര്ച്ചകള്ക്ക് പുറമേ സില്വര്ലൈന് പദ്ധതിയുമായി ബന്ധപ്പെട്ട പ്രതിപക്ഷത്തിന്റെ ആശങ്കകളും ഇന്ന് ചര്ച്ചയാകും.
സില്വര് ലൈന് പദ്ധതിയിലുള്ള വിയോജിപ്പ് ഇന്ന് നിയമസഭയില് ഉന്നയിക്കാനാണ് പ്രതിപക്ഷത്തിന്റെ നീക്കം. പദ്ധതിയുമായി ബന്ധപ്പെട്ട ആശങ്കകളും പ്രതിഷേധങ്ങളും ശൂന്യവേളയില് ഉന്നയിക്കും. പിസി വിഷ്ണുനാഥ് എംഎല്എ അടിയന്തര പ്രമേയത്തിന് നോട്ടീസ് നല്കാനാണ് ധാരണ.
അതേസമയം യുക്രൈനില് നിന്ന് മടങ്ങിവന്ന വിദ്യാര്ഥികളുടെ തുടര്പഠനം സംബന്ധിച്ച വിഷയം ശ്രദ്ധക്ഷണിക്കലായി സഭയില് വരുന്നുണ്ട്. എസ്എസ്എല്സി പരീക്ഷയുടെ ഫോക്കസ് ഏരിയയുമായി ബന്ധപ്പെട്ട കാര്യങ്ങളും ചോദ്യോത്തര വേളയിലുണ്ടാകും.
Most Read: സംസ്ഥാനത്ത് കനത്ത ചൂട് ഇന്നും തുടരും; മുന്നറിയിപ്പ്