ഡെൽഹി: രാജ്യ തലസ്ഥാനത്തെ നടുക്കി വീണ്ടും ക്രൂരപീഡനം. ഡെൽഹിയിലെ രഞ്ജിത് നഗറിൽ ആറ് വയസുകാരിയാണ് പീഡനത്തിന് ഇരയായത്. പെൺകുട്ടി നിലവിൽ രാം മനോഹർ ലോഹിയ ആശുപത്രിയിൽ ചികിൽസയിലാണ്. പെൺകുട്ടിയെ തട്ടികൊണ്ടു പോകുന്ന സിസിടിവി ദൃശ്യം പോലീസിന് ലഭിച്ചു.
വീടിന് സമീപം കളിച്ചു കൊണ്ടിരിക്കെയാണ് കുട്ടിയെ തട്ടിക്കൊണ്ട് പോയത്. മുറിവേറ്റ നിലയിലാണ് കുഞ്ഞിനെ പിന്നീട് കണ്ടെത്തിയത്. തുടർന്ന് ആശുപത്രിയിൽ എത്തിച്ചപ്പോഴാണ് പീഡിപ്പിക്കപ്പെട്ടു എന്ന കാര്യം വീട്ടുകാർ അറിയുന്നത്. ദിവസവേതന തൊഴിലാളിയാണ് കുഞ്ഞിന്റെ പിതാവ്.
സംഭവത്തിൽ പോലീസ് അന്വേഷണം ആരംഭിച്ചു. പ്രതിയെ തിരിച്ചറിഞ്ഞിട്ടില്ല. ശക്തമായ വകുപ്പുകൾ ചുമത്തി പോലീസ് കേസെടുത്തിട്ടുണ്ട്. ഡെൽഹി വനിതാ കമ്മീഷനും സംഭവത്തിൽ ഇടപെട്ടിട്ടുണ്ട്.
Kerala News: പത്തനംതിട്ടയിൽ കനത്ത മഴ; മൂന്നിടത്ത് ഉരുൾപൊട്ടൽ