തിരുവനന്തപുരം: കേന്ദ്രമന്ത്രിസഭാ വികസനത്തിന്റെ ഭാഗമായി മന്ത്രിസ്ഥാനം ലഭിച്ച രാജീവ് ചന്ദ്രശേഖറിനെ അഭിനന്ദിച്ച് ബിജെപി നേതാവ് ശോഭാ സുരേന്ദ്രൻ. രാജീവ് ചന്ദ്രശേഖറിലൂടെ മോദി സർക്കാർ കേരളത്തിന് ഒരു കേന്ദ്രമന്ത്രിയെക്കൂടി നൽകിയതായി ശോഭാ സുരേന്ദ്രൻ ഫേസ്ബുക്കിൽ കുറിച്ചു. അതേസമയം ശോഭാ സുരേന്ദ്രന്റെ അഭിനന്ദന പോസ്റ്റിന് താഴെ പ്രതിഷേധവും പരിഹാസവും കലർന്ന രീതിയിൽ നിരവധി പ്രതികരണങ്ങളാണ് വരുന്നത്.
സംസ്ഥാനത്ത് പ്രമുഖരായ നിരവധി നേതാക്കൾ ഉണ്ടായിരുന്ന സാഹചര്യത്തിൽ രാജീവ് ചന്ദ്രശേഖറിന് മന്ത്രിസ്ഥാനം കൊടുത്തത് എന്ത് മാനദണ്ഡത്തിന്റെ അടിസ്ഥാനത്തിൽ ആണെന്നാണ് പലരുടെയും ചോദ്യം. ഇന്നലെയാണ് പ്രമുഖ വ്യവസായിയും കർണാടകയിൽ നിന്നുള്ള രാജ്യസഭാംഗവും മലയാളിയുമായ രാജീവ് ചന്ദ്രശേഖർ കേന്ദ്രമന്ത്രിയായി ചുമതല ഏറ്റെടുത്തത്. കേരളത്തിലെ എൻഡിഎ വൈസ് ചെയർമാൻ കൂടിയാണ് ഇദ്ദേഹം.
Read also: എസ്സി, എസ്ടി ഫണ്ട് തട്ടിപ്പ്; പ്രതികളിൽ ഒരാൾ കീഴടങ്ങി; രണ്ട് പേർ ഇപ്പോഴും ഒളിവിൽ