തിരുവനന്തപുരം: കേരളത്തില് തുടര്ഭരണം ലഭിച്ചത് ആഘോഷിച്ച ഇടതു മുന്നണിക്കൊപ്പം ദീപം കത്തിച്ച് പങ്കുചേർന്ന മുതിര്ന്ന ബിജെപി നേതാവ് ഒ രാജഗോപാലിനെ സോഷ്യൽ മീഡിയയിൽ വിമർശിച്ച് സംഘപരിവാർ അനുകൂല പ്രൊഫൈലുകൾ. ബംഗാളിലെ അക്രമങ്ങളില് പ്രതിഷേധിച്ചാണ് താൻ ദീപം തെളിയിച്ചതെന്ന് ഒ രാജഗോപാല് ഫേസ്ബുക്കിൽ പോസ്റ്റ് ഇട്ടിരുന്നു.
എന്നാൽ, ഇതിന് പിന്നാലെ രാജഗോപാലിന് എതിരെ വിമര്ശനങ്ങളും ട്രോളുകളുമാണ് സോഷ്യല് മീഡിയയില് നിറയുന്നത്. ബിജെപി ഇത്തരത്തില് ഒരു പ്രതിഷേധത്തിന് ആഹ്വാനം ചെയ്തിട്ടില്ലെന്നും ഈ ദിവസം തന്നെ ദീപം തെളിയിക്കേണ്ട ആവശ്യം എന്തായിരുന്നു എന്നുമാണ് സംഘപരിവാര് അനുകൂല പ്രൊഫൈലുകളില് നിന്ന് വരുന്ന ചോദ്യം.
കൂടാതെ ഹാഷ്ടാഗ് ബംഗാളിന് ആണെങ്കിലും എല്ഡിഎഫിന്റെ വിജയമാണ് രാജഗോപാല് ആഘോഷിച്ചതെന്നും, രാജഗോപാല് സിപിഐഎം കൊടി പിടിക്കുന്നത് ഉടൻ കാണേണ്ടി വരുമോ എന്നും സോഷ്യല് മീഡിയയില് ചോദ്യമുയരുന്നുണ്ട്.
Read also: നിർത്തിയിട്ട കാറിനുള്ളില് കുടുങ്ങി നാല് കുട്ടികള്ക്ക് ദാരുണാന്ത്യം